មនុស្សកើតជំងឺលើសឈាម Hyper-Tension ត្រូវយល់ដឹងឲ្យបានច្បាស់អំពីការរួមភេទសម្ព័ន្ធ
ដោយៈ ប៊ីស៊ី វិកតូរីយ៉ា
ក្នុង៤ដំណាក់កាលនៃការរួមភេទសម្ព័ន្ធ (ការបោសអង្អែល ការចាប់ផ្តើមរួមរ័ក ការឈានដល់ចំនុចកំពូល និងពេលដេកសំរាកយកកំលាំងឡើងវិញ)។ ដំណាក់កាលដល់ក្តីស្រណុកកំពូលគឺជារយៈពេលមួយដែលគ្រោះថ្នាក់បំផុតអាចប៉ះពាល់ដល់ជីវិតបានសំរាប់មុនស្សដែលមានជំងឺលើសឈាម Hyper-Tension ។
តើធ្វើយ៉ាងដូចម្តេចដើម្បីធានាបាននូវសុខភាពនៃជីវិតរស់នៅ កាត់បន្ថយរាល់បញ្ហាគ្រោះថ្នាក់ចំពោះមនុស្សដែលមានបញ្ហាសំពាធឈាមលើស?។ ករណីទាំងនេះជារឿងរាវដ៏សែនពិបាកក្នុងការសំរបសំរួលមួយឲ្យបានសមស្របទៅតាមអ្នកជំងឺម្នាក់ៗ។ ប៉ុនែ្តទោះប្បីជាយ៉ាងណាក៏ដោយ ក៏អត្តបទនេះគ្រាន់តែមានបំណងជួយដាស់តឿនកើនរំលឹកដល់ជនទាំងឡាយណាតែងតែកើតមានសំពាធឈាមលើសកាលណាគេកំពុងប្រព្រឹត្តរឿងរួមគ្រែខ្នើយនោះ។
ដំណាក់កាលបបោសអងែ្អលបង្កើនសំរើបសំរាប់បុរសភេទនៅពេលដែលប្រដាប់ភេទចាប់ផ្តើមឡើងរឹងបះឡើង។ សំរាប់ស្រ្តីវិញ នៅពេលដែលទ្វារមានចាប់ផ្តើមចេញទឹករំអិលថ្លាៗ មកផ្សើមទ្វារ ហើយរន្ធនោះបានចាប់ផ្តើមរីកបរិមាណឡើងទទួលយកដំណាក់កាលមួយទៀត គឺការរួមរ័កដល់ទីជំរៅ។
សូមជ្រាបថា ចាប់ផ្តើមចេញពីដំណាក់កាលនោះទៅ ចង្វាក់បេះដូង និងសំពាធឈាមរបស់ដៃគូរទាំងពីរនាក់ក៏ចាប់ផ្តើមសកម្មភាពដើរញាប់ឡើង។ ពេលដែលសំរើបឡើងពេញទំហឹងហើយនោះ សារធាតុរំអិលពណ៌ថ្លាដែលចេញមកកាន់តែជោគជាំពីប្រដាប់បន្តពូជរបស់បុរសមិនខុសគ្នានឹងសារធាតុដែលេចញតាមទ្វារមាសរបស់ភាគីស្រីនោះឡើយ។ ប៉ុន្តែសារធាតុរាវរំអិលនៃប្រដាប់ភេទបុរសវិញ ប្រាកដជានាំមកជាមួយនឹងមេជីវិត ដូចជាសែ្ពមនោះផងដែរ ដែលងាយធ្វើឲ្យភាគីរួមរ័កស្រ្តីងាយប្រឈមមុខនឹងធ្វើឲ្យមានផ្ទៃពោះ។
ការប្រព្រឹត្តទៅនៃការរួមភេទសម្ព័ន្ធស្ថិតក្នុងដំណាក់កាលនេះបានជំរុញឲ្យចង្វាក់បេះដូងកាន់តែដើរញាប់ឡើង។ រីឯសំពាធឈាមវិញក៏កាន់តែឡើងខ្ពស់ថែមទៀត។ ជាធម្មតានៅពេលរួមរ័កមេត្រីនោះសម្ពាធឈាម (Tension) របស់បុរសឡើងខ្ពស់ជាងសំពាធឈាមរបស់ស្រ្តី។ ដោយសារតែបុរសជាអ្នកធ្វើសកម្មភាពបើកការវាយលុកទៅលើស្ត្រី។ ស្ថិតក្នុងដំណាក់កាលនេះដែរក៏ចាត់ទុកជាការប្រកាសអាសន្នមួយថាបុរសដែលមានសម្ពាធឈាមលើសងាយប្រឈមមុខនឹងគ្រោះថ្នាក់ដល់ជីវិតខ្លាំងណាស់។ ដំណាក់កាលឈានដល់ចំណុចស្រណុកស្រួលឬឡើងឋានសួគ៌អារម្មណ៍ថា បានសេចក្កីសុខលើគ្រែខ្នើយរមែងតែទទួលបានព្រមៗទាំងពីរនាក់ទន្ទឹមពេលជាមួយគ្នាតែម្តង។ ថ្វីត្បិតយ៉ាងដូច្នេះមែន ដៃគូរណាក៏ធ្វើសកមក្មភាពពុះកញ្រ្ជោលរោលរាល គឺភាគីនោះរមែងបានទទួលសេចក្តីសុខមុនជានិច្ច។
បើនិយាយពីដៃគូរបុរសវិញពេលឈានដល់គោលដៅនៃការស្រណុកស្រួលហើយ គឺនៅពេលបង្ហូរទឹកកាមចេញមក។ រីឯភាគីស្រីវិញទទួលបាននូវអារម្មណ៍ត្រអាលរកទីបំផុតគ្មាននៅត្រង់បរិវេណខាងក្រៅ និងខាងក្នុងនៃប្រដាប់ភេទរបស់ខ្លួន។ ក្នុងពេលមួយនៃការរួមរ័ក បុរសទទួលបានសេចក្តីសុខ ដល់ដល់ទីជំរៅតែមួយលើកប៉ុណ្ណោះ។ ប៉ុន្តែភាគីស្រ្តីវិញ អាចឈានដល់ដំណាក់កាលសុខស្រួលបានដល់ទៅច្រើនដងអាស្រ័យនឹងពេលវេលាអូសបន្លាយការប៉ិនប្រសប់របស់ដៃគូបុរសនោះ។
បើនិយាយអំពីផ្នែកវេជ្ជសាស្រ្តវិញ ការឈានដល់ចំណុចស្រៀវស្រើបដល់កំពូលបែបនេះ ធ្វើឲ្យចង្វាក់បេះដូងនឹងដំណើរឈាមរត់ក៏កាន់តែកើនឡើងដែរ បានសេចក្តីថា តែដើរញាប់ខ្ពល់ ជាដំណាក់កាលមួយគ្រោះថ្នាក់បំផុត។ នៅចំនុចនៃដំណាក់កាលបញ្ហាស្ទះបេះដូង ដាច់សរសៃឈាមក្នុងខួរក្បាល អាចកើតមានឡើងភ្លាមៗដោយមិនអាចជួយសង្រ្គោះបានទាន់េពលវេលានោះទេ។
រយៈពេលពី៥-១០នាទីបក្រោយពីទទួលបានភាពស្រណុកសុខស្រួលហើយនោះត្រូវបានចាត់ទុកជាដំណាក់កាលនៃការដេកសំរាកជាមួយគ្នាេដីម្បីប្រមូលកំលាំងឬការធ្វើឲ្យរូបរាងកាយវិលទៅប្រក្រតីភាពវិញ។ នៅពេលនេះហើយដែលចង្វាក់បេះដូងេទីបតែពុះកញ្រ្ជោលបន្តិចម្តងៗត្រូវវិលត្រឡប់មករកភាពដើមដែលទន្ទឹមគ្នានោះសម្ពាធឈាមក៏ត្រឡប់ធ្លាក់មកម្តងៗផងដែរ។
ប្រការដែលត្រូវចងចាំសំរាប់អ្នកកើតជំងឺលើសឈាមសម្ពាធឈាម គួរតែត្រួតពិនិត្យសម្ពាធឈាមសិន ប្រសិនបើអ្នកសំរេចទទួលយកការរួមដំណេកជាមួយដៃគូហើយនោះ៕
