មនុស្សកើតអាការៈសម្ពាធឈាមលើស ត្រូវមានការប្រុងប្រយ័ត្នពេលចង់រួមរ័ក
ប្រភពៈ កាសែតកម្ពុជាថ្មី
ដោយៈ ប៊ីស៊ី វិកតូរីយ៉ា
ដូចដែលបានជំរាបជូនមិត្ត អ្នកអានរួចមកហើយតាមរយៈការចុះផ្សាយលើទំព័ររបស់សារព័ត៌មានកម្ពុជាថ្មីដែលបានចេញផ្សាយកន្លងមកអំពីករណីមានការរួមភេទសម្ព័ន្ឋរបស់មនុស្សដែលមានបញ្ហាសំពាធឈាមលើស។
នៅពេលនេះខ្ញុំសូមទាញការចាប់អារម្មណ៍ដល់អ្នកជំងឺលើសឈាមទាំងឡាយឲ្យមានការប្រុងប្រយ័ត្នពេលចង់រួមរ័ក។ ជាការពិតនោះ ការមានជីវភាពរួមភេទសម្ព័ន្ឋមិនមែនជាសកម្មភាពដែលត្រូវបញ្ចេញកំលាំងកាយហួស ហេតុពេលនោះទេ។
អាស្រ័យហេតុយ៉ាងនេះហើយទើបអត្រាគ្រោះថ្នាក់ក៏មិនកើតមានឡើងច្រើនប៉ុន្មាននោះដែរ។ បើទោះបីជាយ៉ាងណាក្តី ដើម្បីធានាដល់សុវត្ថិភាព ពេលនៅលើគ្រែនោះ ការទប់ស្កាត់ចំពោះ ហេតុការអាក្រក់ដែលកើតមានឡើងនៅពេលរួមភេទសម្ព័ន្ឋ អ្នកជំងឺត្រូវធ្វើការត្រួតពិនិត អ្នកជំងឺត្រូវធ្វើការត្រួតពិនិត្យសំពាធឈាមរបស់ខ្លួនឬមានការព្យាបាលអោយបានល្អ។ ម៉្យាងវិញទៀតសំរាប់មនុស្សកើតអាការៈលើសឈាម ពេលរួមរ័កក៏មិនត្រូវជ្រើសរើស យកក្បាច់ ឬស្នៀតនៅលើគ្រែណាដែលនាំឲ្យពិបាកទ្រាំពេកនោះដែរ ពីព្រោះវាអាចផ្តល់នូវបច្ច័យអាក្រក់បំផុត។
ដៃគូរួមគ្រែខ្នើយក៏មិនបាច់បញ្ចេញកំលាំងជ្រុលហួសហេតុពេលដោយត្រូវរក្សាទុកថាមពលក្នុងខ្លួនចៀសវាងឲ្យបានការលើសសម្ពាធឈាមឬបេះដូងអាចបង្កបញ្ហាពេលកំពុងស្ថិតនៅលើបង្គងនោះ។
ជាមួយគ្នានោះផងដែរ សូមអ្នកមានការចាប់អារម្មណ៍អំពីហេតុទាំងឡាយដែលនឹងអាចកើតមានឡើង ខណៈពេលដែលដៃគូទាំង២អ្នកកំពុងតែមានបញ្ហា។ ប៉ុន្តែបែរជាកើតចំណង់ចង់រួមភេទមានដូចជាៈ ភាគីបុរសកំពុងតែធ្វើការព្យាបាលដោយប្រើថ្នាំនោះ ក៏អាចប៉ះពាល់ដល់ជីវិតសិចរបស់គេដូចជា លិង្គមិនងើបមិនឡើងឬអាការៈកើតតណ្ហាបែរជាធ្លាក់ថយចុះមិនគ្រប់កំរិតដែលអាចប្រព្រឹត្តកាមបាន។ សំរាប់មនុស្សស្រីវិញ ស្ថិតនៅក្នុងដំណាក់កាលព្យាបាលនោះផងដែរ ជាតិរំអិលដែលតែងតែធ្លាក់បង្ហូរចេញមកតាមទ្វារមាស បែរជាមិនបានចេញមកផ្សើមទ្វាមាសឲ្យបានគ្រប់គ្រាន់ ពីព្រោះសារធាតុរំអិលសំរាប់ផ្សើមនោះ ត្រូវធ្លាក់ថតចុះដោយសារតែការជះឥទ្ឋិពលរបស់ថ្នាំព្យាបាល។ ដូច្នេះហើយទើបបានជាស្ត្រីភេទកើតអាការៈលើសសម្ពាធឈាមតែងទទួលអារម្មណ៍ឈឺផ្សារខ្លាំងពេលរួមភេទឬក៏អាចទទួលអារម្មណ៍អស់រលីងដោយមិនអាចទទួលបាន ភាពស្រណុកស្រួលដល់ទីជំរៅនោះទេ ប្រៀបធៀបទៅនឹងមួយរយៈកាលកន្លងមកដែលមិនទាន់កើតមានប្រភេទជំងឺយ៉ាងនេះ។
ទាំងអស់នេះសុទ្ឋតែជាប្រតិកម្មបន្ទាប់បន្សំនៃថ្នាំព្យាបាលជំងឺលើសឈាមទៅតាមប្រភេទឱសថ ផ្សេងៗពុំមែនជាចេតនាផ្លូវចិត្តរបស់មនុស្សយើងនោះទេ។ ល្គឹកណាតែអ្នកជំងឺលែងប្រើប្រាស់ថ្នាំទាំងនោះ ទើបបានសញ្ញានៃប្រតិកម្មចម្លែកបែបនេះត្រូវបានបាត់អស់ទៅវិញដោយឯកឯង។
មនុស្សម្នាក់ៗមានការអាស្រ័យឱសថលើសឈាមនោះខុសប្លែកពីគ្នាដោយពិបាកនឹងដឹងរឿងពិតណាស់អំពីប្រត្តិកម្មទោតាមមនុស្សម្នាក់ៗនោះ។ សំរាប់អ្នកកើតជំងឺលើសឈាមវិញគេនៅតែមានជីវភាពដូចប្រក្រតី ប៉ុន្តែទាស់ត្រង់ថា ត្រូវតែមានការប្រុងប្រយ័ត្នតាមដានរាល់សកម្មភាពប្រែប្រួលផ្សេងៗនោះក្នុងរូបកាយតែប៉ុណ្ណោះ។
