ដើម្បីស្នេហាកាន់តែមានថាមពល
ប្រភពៈ ទស្សនាវដ្ដី សម័យថ្មី
ដោយៈ ក.រិ.ព សម័យថ្មី
សុភាព នារីជាទូទៅពេលពេញវ័យតែងមានបំណងប្រាថ្នាចង់បានបុរសម្នាក់ជា គូអនាគតដែលមានប្រាជ្ញាអាកប្បកិរិយាល្អត្រឹមត្រូវដើម្បីធ្វើជា បង្អែកតទៅអនាគត។ ដូច្នេះក្នុងជីវិតរបស់នាង បើបានស្វាមីជាមនុស្សរឹងមាំនោះនាងនឹងមានអារម្មណ៍រីករាយជា មិនខាន។ ប៉ុន្តែធ្វើម្តេចឲ្យបានដូចបំណងដែលនាងចង់បានបើបុរសគ្រាន់តែជា ផ្នែកមួយនៃនាវាជីវិត ឯពាក់កណ្តាលទៀតគឺធ្លាក់ទៅលើនាងដែលត្រូវជួយជ្រោមជ្រែងឲ្យអស់ ពីសម្ថភាពជាកម្លាំងដែលពេញទៅដោយថាមពលដ៏អស្ចារ្យ តែស្ថិតក្នុងសភាពស្ងប់ស្ងាត់ដែលមនុស្សគ្រប់វ័យចង់ដឹងថា "ផ្កាភ្លើង" នោះជាអ្វីទៅន៎?
នៅពេលដែលនាងបង្ហាញពីការស្រឡាញ់
ក្តី បំណងរបស់បុរសគឺគ្រាន់តែចង់បង្ហាញឫកពាដ៏អង់អាចរបស់ខ្លួនចំពោះ នារីជាទីស្រឡាញ់ជានិច្ចជាកាលគេតែងតែចិញ្ចឹមចិត្តថាជាអ្នកខ្លាំង ចំពោះមុខអ្នកខ្សោយ ជាទីស្រឡាញ់ជាពិសេសនៅពេលដែលមានវត្តមាននារីដែលខ្លួនពេញចិត្ត បានពោលពាក្យសសើរថា "បើសិនជាគ្មានបងអូនមិនអាចរស់បានទេ" ឬពាក្យដ៏មានឥទ្ធិពលម្យ៉ាងទៀតថា "មានបងនៅក្បែរអូនមិនខ្លាចអ្វីទាំងអស់" នាងនិយាយទាំងពាក្យផ្អែមល្ហែម និងអាកប្បកិរិយាទន់ភ្លន់ពោរពេញដោយក្តីស្រឡាញ់ និងចាប់ផ្តើមបង្ហាញកាយវិការយ៉ាង "សក្តិសម" ជាងអ្វីដែលនាងគិតទៅទៀតចាប់ពីកាយវិការភាសានិយាយស្តីគេរឹង ប្រែជារៀបចំធ្វើឲ្យសមនឹងពាក្យ "ម្លប់ត្រជាក់" "ជាចំណតសុវត្តិភាពចំពោះនាង" ដូច្នេះកម្លាំង អរូប ដែលបុរសទទួលបានគឺដោយសារតែស្រីស្អាតជាអ្នកផ្តើមបញ្ឆេះ។
នាងប្រែក្លាយជាចិត្តចង្អៀត
ទោះ បីជាបុរសជាមនុស្សត្រឹមត្រូវល្អ ឬស្មោះត្រង់យ៉ាងណាក៏ដោយជាមួយសេចក្តីស្នេហាគេត្រូវការនឹង ចាំបាច់ជាទីបំផុតគឺ "ភ្លើង" ជាគោលដៅដែលបុរសចង់បានបំផុតដើម្បីគ្រប់គ្រង។ ចំពោះនារីនាងអាចផ្លាស់ប្តូរកាយវិការភ្លាមៗពីទន់ភ្លន់ដូចកូន ទន្យាយប្រែទៅជារ៉ឹងប៉ឹងនឹងអាថ៌កំបាំង ដូច្នេះបុរសត្រូវបេះរៀបចំអ្វីៗដូចជាល្បិចទប់ទល់ការលួងលោម និយាយឲ្យចំគឺត្រូវចេះតម្រូវចិត្តនាងយកចិត្តនាងនឹង "បង្គ្រាបនាង" ជាងពេលណាៗទាំងអស់ អ្នកបានបង្ហាញអ្វីចំពោះនាង ក៏ព្រោះគេចង់បង្ហាញឲ្យនាងដឹងថា ខ្លួនយកចិត្តទុកដាក់ចំពោះនាង ធ្វើដូច្នេះនាងកាន់តែទុកចិត្តលើសពីពេលមុនទៅទៀត។ ប៉ុន្តែចំពោះចិត្តដ៏ចង្អៀតរបស់នាងអាចនឹងបញ្ជាក់ថា នាងនឹងបានយល់ពីបុរសថា គេធ្វើក៏ព្រោះតែនាង "ជាស្រ្តីដែលគេស្រឡាញ់បំផុត"។ នៅពេលដែលនាងវិលមកជួបជាថ្មីម្តងទៀត គឺជាពេលដែលគេបានទទួលអារម្មណ៍ជាអ្នកទទួលជោគជ័យ។
នាងចេះបង្ហាញ "បេះដូងយ៉ាងប៉ិនប្រសប់"
សុភាព នារីតែងគិតថាប្រុសៗមិនអាចយល់ពីអ្វីរបស់នាងបានទាំងអស់ឡើយ ដូច្នេះនាងក៏ប្រាប់ទៅវិញដោយត្រង់ៗថា ខ្លួនចូលចិត្តពីអ្វី ជួនកាលបុរសប្រែជាមានគំនិតផ្សេង ហើយបន្ទោសខ្លួនឯងថា "ឆោតល្ងង់" ទៅវិញ បើសិនជាអាចកើតឡើងវិញជាបច្រើនដងរបៀបនេះការតាំងចិត្តជា "មហាបុរស" នឹងរបូតបាត់ដោយសារកំលាំងចិត្តរបស់នារីជាទីស្រឡាញ់ ប៉ុន្តែបើសិនជាជំនួសមកវិញដោយការពិចារណារបស់នាងៈ "បង អ្ហា៎! អូនចង់ឲ្យបងឱបអូនមុននឹងបែកគ្នា…" ឬ "យើងអាចញ៉ាំអ្វីជាមួយគ្នាឬ?" ជាមួយនឹងកាយវិការមួយដ៏ស្រុះស្រួលគ្នាយល់គ្នាជាចំណងមួយល្អ ណាស់ការចេះជម្រុញចិត្តឲ្យចេះស្ទាបស្ទងពីជម្រៅចិត្តរវាងគ្នា និងគ្នាធ្វើឲ្យអ្នកទាំងពីរអាចស្វែងយល់ពីគ្នាបានយ៉ាងល្អ។ នាងត្រូវដឹងថា បុរស "ងាយនឹងជាប់អន្ទាក់" បើសិនជាគូ សត្រូវចេះរបៀប "កៀប"ជាមួយគេ។
ពាក្យសសើររបស់នាងមានតម្លៃជាងអ្វីទៅទៀត
ជាទូទៅអាចចាត់ ទុកថា បុរសទាំងអស់មិនអាចអត់ធន់នឹងការវាយតម្លៃយ៉ាងធម្មតាចំពោះគេ ពីអ្នកដ៏ទៃ។ ប៉ុន្តែនៅពេលដែលបាននាងជាទីស្រឡាញ់រៀបរាប់រ៉ាយរ៉ាប់ទំហំ នៃក្តីស្នេហាចំពោះគេទោះបីជាមេឃរលំភ្នំរលាយសល់តែគេម្នាក់ក៏គេ នៅតែជា "វីរៈបុរសដ៏អស្ចារ្យ" សំរាប់នាងដែរ។ ការនិយាយស្តីពាក្យសសើររបស់នាងចំពោះបុរសម្នាក់ហាក់បីដូចជា "ថ្នាំទិព្វ" ដ៏សក្តិសិទ្ធិព្រោះវាអាចនិយាយបានម្យ៉ាងទៀតថា ពាក្យសសើររបស់នាងប្រៀបដូចជាខ្យល់ដ៏ត្រជាក់បក់បេះដូងបុរសធ្វើ ឲ្យ "ឆេះជាអណ្តាតភ្លើងស្នេហ៍" ក្នុងចិត្តមិនងាយរលត់ហើយវានឹងបន្តឆេះរហូតឥតឈប់…៕
បើ តាមការសិក្សាមួយរបស់អាល្លឺម៉ង់ដែលបានចេញផ្សាយកាលពីថ្ងៃអង្គារ បានឲ្យដឹងថា ការរួមភេទអាចនឹងធ្វើឲ្យមនុស្សមានគ្រោះ ថ្នាក់ដល់ជីវិតបាន ដោយការសិក្សានោះបានបង្ហាញថា បុរសដែលមិនស្មោះត្រង់ជាមួយភរិយា ហើយចេញទៅរកការសប្បាយនៅខាងក្រៅទំនងជាត្រូវស្លាប់នៅពេលដែល ខ្លួនកំពុងតែរួមភេទ ច្រើនជាងការរួមភេទជាមួយភរិយារបស់ខ្លួននៅផ្ទះ ។
