ដើមកំណើតស្រោមអនាម័យ (Condom)
ប្រភពៈ ទស្សនាវដ្តី តារា
-ប្រហែលជា៨០៧-៦៧៧ឆ្នាំមុនគ្រឹស្គសករាជ បុរសជនជាតិអេហ្សីប ពាក់ស្រោមប្រហាក់ប្រហែលនឹងស្រោមអនាម័យនេះដែរ ដើម្បីការពារកុំឲ្យឆ្លងរោគ ការពារការឈឺចាប់ និងត្រូវសត្វល្អិតទិច ដែលនេះត្រូវបានចាត់ទុកថា ជាដើមកំណើតរបស់ស្រោមអនាម័យ។ គ្រាដំបូងស្រោមអនាម័យ ផលិតចេញពីស្បែកចៀម ឬពោះវៀនចៀម ដោយចាប់ផ្តើមប្រើនាឆ្នាំ១៩០០ ដោយលាក់លៀម រហូតដល់សប្វថ្ងៃ។ ប៉ុន្តែកាលនោះ មានតម្លៃថ្លៃណាស់ (វាធ្វើឲ្យមានអារម្មណ៍ស្រួលទៀតផង នៅពេលរួមភេទ)។ ក្រោយពេលបច្ចេកវិទ្យា ក្នុងការផលិតស្បោងកៅស៊ូធម្មជាតិ បានកកើតឡើងក្នុងឆ្នាំ១៩៣០នោះមក ទើបគេយកស្បោងកៅស៊ូធម្មជាតិ មកផលិតចេញជាស្រោមអនាម័យ។ ប៉ុន្តែការយកទៅប្រើក៏វានៅមិនទាន់ស្រួលបួលនៅឡើយ ហើយវាមានតំលៃថ្លៃផងដែរ។ ទោះអាចយកមកប្រើម្តងទៀតបានក៏ដោយ ក៏វានៅតែមិនទាន់បានសុសសាយនៅឡើយ។ ចំពោះផ្លាកយីហោដំបូងបំផុតរបស់ស្រោមអនាម័យមានឈ្មោះថា "Merry Widows"។
នៅចុងឆ្នាំ១៩៣០ ជាជំហានដ៏សំខាន់ក្នុងការអភិវឌ្ឍន៍ស្រោមអនាម័យ ឲ្យរឹតតែមានប្រសិទ្ធភាពឡើង ហើយតម្លៃក៏ថោកដែរ។ ទោះជាដូច្នោះក៏ដោយក្នុងអំឡុងពេលមុនពាក់កណ្តាលសតវត្យរ៍ទី២០ ការលក់ស្រោមអនាម័យក្នុងប្រទេសជាច្រើន ត្រូវបានចាត់ទុកជារឿងខុសច្បាប់ (ព្រោះក្នុងសង្គ្រាមលោកលើកទី១ និងលោកលើកទី២ មានច្បាប់ហាមប្រាមមិនឲ្យពន្យារកំនើត) ឬក៏អនុញ្ញាតិឲ្យប្រើសំរាប់តែការការពាររោគប៉ុណ្ណោះ មិនឲ្យប្រើសំរាប់ការការពារកំនើតឡើយ។ បច្ចុប្បន្នស្រោមអនាម័យមានការអភិវឌ្ឍន៍ចេញជាច្រើនម៉ូដច្រើនបែប។ ក្រៅពីផលិតស្រោមអនាម័យសំរាប់បុរស ក៏នៅមានផលិតស្រោមអនាម័យសំរាប់ស្រ្តីផងដែរ ហើយជាងនេះទៅទៀតនោះ គឺមានស្រោមសំរាប់ម្រាមដៃទៀតផង៕
