គួរធ្វើយ៉ាងម៉េចទៅពេលមានអារម្មណ៍...?
ប្រភព៖ ឯកសារបរទេស
ប្រែសំរួលដោយ៖ kv
អារម្មណ៍ ផ្លូវភេទជាសេចក្តីត្រូវការតាមធម្មជាតិម្យ៉ាងរបស់មនុស្ស វានឹងចាប់កម្រើកឡើងនៅពេលដែលបុរសស្ត្រីពេលវ័យ និងនៅពេលដែលអ័រមូនក្នុងរាងកាយចាប់ផ្តើមផ្លាស់ប្តូរក្លាយជា កម្លាំងជំរុញផ្លូវភេទ ដែលទាំងនេះជាប្រភពនាំឲ្យកើតមានចំណង់ផ្លូវភេទ។
យុវវ័យរាល់ រូបនឹងសិក្សាស្វែងយល់ពីការតបស្នងចំណង់ផ្លូវភេទឲ្យខ្លួនឯង តាមរយៈការប៉ះពាល់សរីរាង្គមួយចំនួនរបស់រាងកាយគេ ជាពិសេសការប៉ះពាល់អវយវៈភេទដើម្បីបន្ថយសម្ពាធចំណង់ផ្លូវភេទ ដែលកើតឡើង ទាំងនេះគេហៅថា "ការជួយខ្លួនឯង" (Masturbation)។
បើ យើងមិនទាន់ចង់ចាប់ផ្តើមមានសម្ព័ន្ធភាពផ្លូវភេទជាមួយអ្នកណា នៅឡើយ ឬក៏នៅមិនទាន់ចង់មានសិចជាមួយគូសង្សាររបស់យើងនៅឡើយទេ តែក្នុងគណៈពេលដែលយើងត្រូវប្រឈមមុខហ្នឹងអារម្មណ៍ផ្លូវភេទ ដែលដុតរោលរាលខ្លួនយើងនោះ ការជួយខ្លួនឯងអាចចាត់ទុកថាជាជម្រើសមួយដែលល្អយើងអាចជ្រើសរើស បាន ហើយវាក៏មិនមែនជារឿងខុសប្រក្រតីអ្វីឡើយ តែវាជាការបន្ធូរបន្ថយអារម្មណ៍តានតឹងដែលកើតពីចំណង់ផ្លូវភេទ បានយ៉ាងល្អ។ ម្យ៉ាងវិញទៀតយើងមិនចាំបាច់ខាតបង់លុយកាក់ ឬធ្វើឲ្យអ្នកណាមិនក្តៅក្រហាយដោយសារយើងផងដែរ។
ក្នុងខណៈ ពេលដែលយើងជួយខ្លួនឯងនោះ យើងអាចស្រមើលស្រម៉ៃរវើរវាយយ៉ាងណាក៏បាន មិនគួរធ្វើដោយអារម្មណ៍ខ្វាយខ្វល់ ឬគិតថាវាជាទង្វើខុសឆ្គងនោះឡើយ ព្រោះការផ្តល់សេចក្តីសុខដល់ខ្លួនឯងបែបនេះមិនមែនជារឿងខុស ប្រក្រតីអ្វីសោះឡើយ នឹងប្រព្រត្តិញឹកញាប់ ឬម្តងម្កាលក៏អាស្រ័យលើការសំរេចចិត្ត ការពេញចិត្ត និងសុខភាពរបស់យើងម្នាក់ៗ។
ទោះ បីជាការជួយខ្លួនឯងជាជម្រើសមួយសំរាប់ខ្លួនយើង ដើម្បីបន្ធូរបន្ថយអារម្មណ៍តានតឹងនៃចំណង់ផ្លូវភេទ តែយើងមិនគួរងប់ងុលប្រព្រឹត្តវារហូតដល់ជ្រុលហួសហេតុពេកដែរ។ យើងគួររកកិច្ចការផ្សេងៗដែលយើងចូលចិត្តមកធ្វើ ឬក៏ហាត់ប្រាណដើម្បីបញ្ចេញកំលាំងកាយក៏បាន ទាំងនេះដើម្បីចែករំលែកថាមពលដែលមាននៅក្នុងខ្លួនធ្វើការងារ ផ្សេងទៀតដែលមានប្រយោជន៍៕
