ស្ត្រីជាមួយនិងការថែទាំអវយវភេទ
ការ ថែរក្សាសុខភាពអនាម័យត្រង់ចំនុចអាថ៌កំបាំងបំផុតរបស់ស្ត្រីនេះជា ការងារផ្ទាល់ខ្លួននិងមានសារសំខាន់ ។ ជាមួយគ្នានេះការមានសិចដ៏ល្អ ទាមទារអវយវភេទមានសុខភាពល្អគ្មានភាពកខ្វក់ គ្មានក្លិន រួមទាំងមានអនាម័យល្អជាប្រចាំ ។
នៅពេលសួរស្ត្រីទូទៅថា បានយកចិត្តទុកដាក់ថែទាំសុខភាពអវយវភេទឬអត់នោះមួយភាគធំតែង ឆ្លើយថាពួកគេចេះចាប់ផ្ដើមថែទាំបានល្អនៅពេលពេញវ័យប៉ុណ្ណោះឯ វ័យនៅក្មេងៗជាងនេះ មិនសូវមានការយកចិត្តទុកដាក់ថែទាំប៉ុន្មានឡើយ ។
តាមលទ្ធផល ពីការស្រាវជ្រាវ គេបានរកឃើញថា ស្ត្រីមួយភាគធំចេះថែទាំអវយវភេទយ៉ាងខ្ជាប់ខ្ជួនក៏ទាល់តែបាន ឆ្លងកាត់ការរួមភេទជាលើកដំបូងរួចមក ។ ស្ត្រីតែងតែគិតថា ក្រោយពីបានទទួលការរួមភេទហើយអវយវភេទនិងទទួលរងការប៉ះទង្គិច ហើយងាយចម្លងមេរៅគនិងនាំឲ្យមានក្លិនមិនល្អ ។ វាជាហេតុផលមួយដែលពួកគេអនុវត្តស្ទើរតែគ្រប់គ្នាទៅហើយ ។
ជាទូទៅ ស្ត្រីតែលើកយកចំណែកផ្សេងៗនៃរាងកាយមកនិយាយយ៉ាងបើកចំហ ដូចជារឿងទម្ងន់ខ្លួនដើមទ្រូងឬត្រគាកប៉ុន្តែសម្រាប់អវយវភេទ ពួកគេពុំសូវហ៊ានលើកយកមកនិយាយឡើយ ព្រោះជារឿងគួរឲ្យខ្មាស់អៀន ទំនៀមទម្លាប់និងការហាមឃាត់ ។ ការពិតគ្រប់ចំណែកជារបស់រាងកាយដែលត្រូវថែទាំ ត្រូវការពិភាក្សាដើម្បីថែរក្សាសុខភាពឲ្យល្អប្រសើរប្រាសចាកពី ជំងឺទាំងពួង ។ ផ្សារឈឺត្រឹមបន្តិចបន្តួច ហើយព្រងើយកន្តើយមិនព្រមព្យាបាលឲ្យបានត្រឹមត្រូវ យូរៗទៅអាចនាំឲ្យកើតជំងឺធ្ងន់ធ្ងរ ដូចជាកើតជំងឺមហារីមាត់ស្បូនជាដើម ។
ឥទ្ធិពលពីដំបូន្មាន
ស្ត្រីជនជាតិចិនម្នាក់បានបង្ហើបប្រាប់ពីទស្សនៈផ្ទាល់ខ្លួន ឯងក្នុងរឿងនេះថា «ខ្ញុំធំដឹងក្ដីឡើងមកស្ថិតនៅក្នុងដំបូន្មានដ៏តឹងរឹង ។ គេពុំព្រមបើកទូលាយក្នុងការនិយាយស្ដីពីរឿងនេះទេ អ្វីៗត្រូវបានបិទជិតគ្រប់យ៉ាយ ហើយសូម្បីតែកន្លែងអាថ៌កំបាំងខ្លះក៏មិនត្រូវបានគេបើកទូលាយដែរ» ។
នាង បុប្ផា ស្ត្រីអាយុ ៣២ឆ្នាំម្នាក់បានប្រាប់ថា «គេបានផ្ដល់ដំបូន្មានតាំងតែពីខ្ញុំនៅតូចកន្លែងកខ្វក់និងមាន ក្លិនគួរឲ្យស្អប់ខ្ពើមមិនគួរលើកយកមកនិយាយ ។ ការរួមភេទ ត្រូវគេគិតថាជារឿងដ៏អាក្រក់ពុំគួរឲ្យកើតមានរឿង ។ ស្ត្រីដែលធ្លាប់រួមភេទគឺជាស្ត្រីដែលគេចាត់ទុកថាមិនជាទីគួរ ឲ្យគោរពរាប់អាន» ។
សិចក្នុងអំឡុងពេលមានរដូវ
សិចក្នុងអំឡុងពេលមានវដ្ដរដូវត្រូវបានគេបង្រៀនដល់ស្ត្រី ស្ទើរគ្រប់តំបន់ គ្រប់ប្រទេសថា ជារឿងត្រូវហាមឃាត់និងនាំឲ្យគ្រោះថ្នាក់ដល់សុខភាព ។ វាស្ទើរតែក្លាយជាក្រឹត្យក្រមទូទៅហើយ ។ ប៉ុន្តែវិទ្យាសាស្ត្របច្ចុប្បន្នគេបានរកឃើញថា ការរួមភេទក្នុងអំឡុងពេលនេះ មានទាំងប្រការល្អនិងប្រការអាក្រក់ ។
ការហាមក្នុងពេលបច្ចុប្បន្ន គឺសំខាន់សំដៅទៅលើការមានគភ៌ និងជំហឺតែប៉ុណ្ណោះ ។ ជាមួយគ្នា ការមានភេទក្នុងអំឡុងពេលនេះ ចាំបាច់ត្រូវធ្វើការសម្អាតឲ្យបានល្អ ហើយត្រូវប្រយ័ត្នប្រយែងឲ្យបានត្រឹមត្រូវ ព្រោះជាអំឡុងពេលដែលរាងកាយត្រូវកម្ចាត់ជាតិពុលទាំងឡាយចេញពី ខ្លួន និងអាចនាំឲ្យប៉ះទង្គិចពីការឆ្លងមេរោគផង ។ គេពុំឃើញមានការហាមឃាត់ពីក្រុមអ្នកវិទ្យាសាស្ត្រក្នុងការរួមភេទ អំឡុងពេលនេះទេ ។
ប៉ុន្តែទោះបីយ៉ាងណាក៏ដោយ ក៏មានក្រុមអ្នកឯកទេសខ្លះសម្ដែងការភ័យព្រួយបារម្ភពីរឿងនេះដែរ គេថាពុំគួរប្រថុយប្រថានក្នុងអំឡុងពេលនេះឡើយ ព្រោះវាអាចនាំឲ្យប៉ះពាល់ដល់សុខភាព ។
បើស្ត្រីចង់រួមភេទក្នុងអំឡុងពេលនេះ ចាំបាច់ត្រូវអនុវត្តប្រការសំខាន់ខ្លះៗដូចខាងក្រោម ៖
ត្រូវដុសលាងសម្អាតខ្លួនឲ្យបានល្អ ត្រូវដឹកដៃគ្នាចូលបន្ទប់ទឹកនិងត្រូវដុសលាងខ្លួនឲ្យស្អាតវិញ ក្រោយពេលរួមភេទរួចរាល់ ។
ប្រើកម្រាល
ត្រូវរកកម្រាលប្លាស្ទិកមកក្រាលពីក្រោមកន្លែងដេកឲ្យបាន ត្រឹមត្រូវ មុននឹងចាប់ផ្ដើមរួមដំណេក ព្រោះអំឡុងពេលនេះធ្លក់លោហិតមកច្រើន អាចនាំឲ្យប្រឡាក់ជាប់កម្រាលពូកដែលពិបាកក្នុងការបោកគក់ ប្រសិនបើគ្មានរបស់ទាំងនេះទេ អាចប្រើក្រមា ឬ កន្សែងពោះគោទ្រាប់ពីក្រោមក៏បាន ។
ប្រើស្រោមអនាម័យ
ក្នុងអំឡុងពេលមកវដ្ដរដូវនេះជាពេលដែលអាចឆ្លងមេរោគបាន ដោយងាយដល់ទាំងស្ត្រីនិងបុរសជាពិសេសអាចនាំឲ្យចាប់កំណើតទារក បានយ៉ាងងាយផង ។ ដូច្នេះការប្រើស្រោមអនាម័យក្នុងអំឡុងពេលនេះជាការប្រសើរបំផុត ។ (នៅមានត)
