ទាយនិស្ស័យសិចតាមរយៈតួលេខ
ប្រភព៖ ឯកសារបរទេស
ដោយ៖ kv
គ្មានអ្នកណាដែលគិតថាតួលេខនឹងក្លាយមកជាតំណាងអត្ថន័យផ្សេងៗក្នុងរឿងសិចបានឡើយ។ អ្នកដឹងទេថាតួលេខពី 1 ដល់លេខ 9 លេខនិមួយមានបង្កប់នូវអត្ថន័យផ្សេងៗគ្នា។ សាកល្បងជ្រើសរើសតួលេខមួយដែលអ្នកចូលចិត្តបំផុតលមើល… រួចមកផ្ទៀងមើលចម្លើយមើលថាតួលេខដែលអ្នកជ្រើសរើសហ្នឹងវាត្រូវហ្នឹងនិស្ស័យផ្លូវភេទរបស់អ្នកឬទេ…
លេខ 1
អ្នកជាមនុស្សមិនយកចិត្តទុកដាក់ពីអារម្មណ៍អ្នកដទៃ ជាមនុស្សដែលមានទំនុកចិត្តលើខ្លួនឯងខ្ពស់ និស្ស័យក្លាហាន និងស្រឡាញ់ឥស្សរៈភាព ធ្វើឲ្យអ្នកស្រឡាញ់ភាពជាង្នកដឹកនាំក្នុងរឿងផ្សេងៗ ជាពិសេសរឿងលើគ្រែ។ អ្នកសុំតែងតែខ្លួនធ្វើជាអ្នកចាប់ផ្តើមក្នុងកិច្ចការងារផ្សេងជាពិសេសអ្នកចូលចិត្តមានមនុស្សយកចិត្តយកថ្លើម។ បើនិយាយពីរឿងលើគ្រែវិញ មិនថាអ្នកចង់ចាប់ផ្តើមដោយក្បាច់ចម្លែកយ៉ាងណាទេ អ្នកចង់ឲ្យគូស្នេហ៍របស់អ្នកចូលរួមជាមួយអ្នកផងដែរ។
លេខ 2
ជាមនុស្សដែលមានគំនិត និងការស្រមើលស្រម៉ៃខ្ពស់ជាពិសេស អ្នកមានភាពទន់ភ្លន់ និងរ៉ឹងប៉ឹងរួមគ្នាក្នុងខ្លួនអ្នកតែមួយ មនុស្សដែលនៅក្បែរខ្លួនអ្នកនឹងមានអារម្មណ៍កក់ក្តៅ។ អ្នកអាចស្រម៉ៃនឹងសាងភាពរ៉ូមែនទិកដល់គូស្នេហ៍អ្នកបានយ៉ាងអស្ចារ្យ ជាពិសេសអ្នកចូលចិត្តយកភាពរ៉ូមែនទិកមកធ្វើជាអាវុធសំរាប់ប្រយុទ្ធក្នុងសឹកសង្គ្រាមលើគ្រែបានយ៉ាងពូកែ និងប៉ិនប្រសព្វ ព្រោះមនុស្សក្បែរខ្លួនអ្នកក៏លង់ និងអណ្តែតអណ្តូងទៅជាមួយពាក្យសំដីលួងលោមរបស់អ្នកដោយមិនដឹងខ្លួន ដូចពាក្យដែលថា ទឹកឃ្មុំផ្អែមឆ្ងាញ់គង់ចាញ់សំដីមនុស្ស។
លេខ 3
ជាមនុស្សដែលមានគំនិតស៊ីជំរៅ និងយល់ពីចិត្តអ្នកដទៃបានយ៉ាងល្អ មានបេះដូងនឹងទឹកចិត្តប្រៀបដូចជាខ្យល់ ដែលជារឿយៗអ្នកតែងបង្ហោះអារម្មណ៍របស់អ្នក នឹងរមែងធ្វើអ្វីតាមចិត្តខ្លួនឯងជានិច្ច។ ដោយសារភាពទន់ភ្លន់ ស្រាលស្រទន់ប្រៀបដូចសំឡីរបស់អ្នក តែងតែធ្វើឲ្យអ្នកងាយនឹងទទួលរងនូវការប៉ះទង្គិច ដែលវាជាហេតុធ្វើឲ្យអ្នកជាមនុស្សចិត្តទន់។ ទោះបីជាអ្នកកំពុងមានចំណង់ផ្លូវខ្លាំងក្លាយ៉ាងណាក៏ដោយ គ្រាន់តែបានឮពាក្យអង្វរ និងបដិសេដ្ឋយ៉ាងទន់ភ្លន់របស់គូស្នេហ៍អ្នក អ្នកនឹងបញ្ឈប់ភា្លមរាល់ចំណង់ទាំងនោះ និងសុខចិត្តរង់ទាល់តែគេយល់ព្រម។
លេខ 4
ជាមនុស្សចូលចិត្តភាពច្រង៉េងច្រង៉ាង ជាពិសេសរឿងសិច ព្រោះគិតអ្វីមិនសូវដូចអ្នកដទៃ អ្វីដែលធម្មតាៗអ្នកនឹងមិនធ្វើជាដាច់ខាត មនុស្សជាមនុស្សរាងចម្លែកបន្តិច ជាមនុស្សគំរោះគំរើយតែអ្នករមែងទទួលការចាប់អារម្មណ៍ពីភាគីម្ខាងទៀតយ៉ាងខ្លាំង។ មនុស្សដែលនៅក្បែរអ្នកតែងទទួលភ្ញាក់ផ្អើលគ្រប់ពេល។ អ្នកមនុស្សដៃរពឹស ចូលចិត្តស្ទាប់អង្អែលរាងកាយគូស្នេហ៍ ធ្វើឲ្យគេទទួលបាននូវភាពភ្ញាក់ផ្អើល ដុតរោល ស្រើបស្រាល។ អ្នកចូលចិត្តប្តូរបរិយាកាសជាញឹកញាប់ ងាយធុញភាពជ្រាំដែល ដូច្នេះការផ្លាស់ប្តូរបរិយាកាសថ្មីពេលមានសិច ជាអ្វីដែលអ្នកប្រាថ្នា ហើយវារមែងធ្វើឲ្យអ្នកពេញចិត្តយ៉ាងខ្លាំ។
លេខ 5
ជាមនុស្សចូលចិត្តការសសេរកត់ត្រា ព្រោះជាមនុស្សស្រឡាញ់ការស្វែងរកចំណេះដឹង និងជាមនុស្សដែលមានភាពវាងវ៉ៃរហ័សរហួន,ហ៊ានស៊ី, ហ៊ានសង, ហ៊ានប្រថុយ, ហ៊ានប្តូរ តែជាមនុស្សឆាប់ធុញទ្រាន់។ រីឯរឿងលើគ្រែវិញ បើសិនគូស្នេហ៍របស់អ្នកគេងក្នុងទម្រង់ក្បាច់បូរាណគ្នានការអភិវឌ្ឍន៍ទេនោះ ជីវិតគូរបស់អ្នកអាចឈានទៅរកភាពរកាំរកូតបានយ៉ាងងាយ … បើមិនចង់មានសិចបែបដដែលៗ គួរសាកល្បងរកអ្វីប្លែកៗថ្មីៗមកធ្វើលើគ្រែឲ្យល្បែងស្នេហ៍រិតតែមានរសជាតិថែមទៀត។
លេខ 6
ជាមនុស្សដែលមានអារម្មណ៍សិល្បះ សម្លឹងមើលអ្វីៗក៏ជាសិល្បះទាំងអស់ សូម្បីតែមើលអណ្តាតភ្លើងក៏អ្នកអាចមើលឃើញភាពប្រណិត ទន់ភ្លន់របស់វាបាន។ ជាមនុស្សស្រឡាញ់ធម្មជាតិ មានមន្តស្នេហ៍ចំពោះមនុស្សភេទផ្ទុយគ្នាយ៉ាងខ្លាំង គ្រាន់តែចេញវាចា ឬសកម្មភាពអ្វីមួយចេញមកក៏អាចធ្វើឲ្យអ្នកជិតខ្លួនចាប់អារម្មណ៍បានភ្លាម។ គុណវិបត្តិរបស់អ្នកគឺ អ្នកជាមនុស្សបើកបង្ហាញពីអារម្មណ៍ខ្លួនឯងខ្លាំងពេក គ្រប់គ្រងអារម្មណ៍ខ្លួនឯងមិនសូវបាន នឹកឃើញយ៉ាងម៉េចក៏និយាយភ្លាមៗ ធ្វើឲ្យដៃគួអ្នកដឹងពីតម្រូវការរបស់អ្នកត្រង់ៗតែម្តង។
លេខ 7
ជាមនុស្សដែលមានគំនិតទូលំទូលាយ មិនចូលចិត្តធ្វើអ្វីតាមការពេញនិយមរបស់សង្គមខាងក្រៅ ទោះលោកខាងក្រៅវិវត្តន៍ដល់ថ្នាក់ណាក៏ដោយក៏មិនអាចធ្វើឲ្យអ្នករំជើបរំជួលបានឡើយ ជាមនុស្សដែលមានទំនុកចិត្តលើខ្លួនឯងខ្ពស់ពេក មិនចូលចិត្តធ្វើអ្វីដូចអ្នកដទៃ ជាពិសេសក្នុងរឿងភេទតែម្តង ទោះនៅពេលដែលមានឧបករណ៍ដាស់អារម្មណ៏បន្ថែមរសជាតិស្នេហ៍ក៏ដោយក៏អ្នកមិនចាប់អារម្មណ៍ អ្នកបែរជាគិតថាវាជារឿងមិនបានការ ប្រភេទមនុស្សប្រកាន់គំនិតថាគេថា "ខ្លួនទីពឹងខ្លួន" គឺល្អបំផុត។
លេខ 8
ជាមនុស្សរបៀបរបប មិនចូលចិត្តឲ្យអ្នកណាមកសសើរក្នុងគំនិតរបស់គេ មានចិត្តសណ្តោសមេត្តា ទោះបីជាមិនសូវចេះនិយាយ តែបើស្រឡាញ់គឺស្រឡាញ់អស់ពីចិត្តតែម្តង។ មិនមែនជាមនុស្សពូកែចចារ តែពូកែខាងការបញ្ចេញកាយវិការ និងសកម្មភាព។ អ្នកជាមនុស្សដែលមានបំណងប្រាថ្នាខ្ពស់ តែមិនមិនងាយប្រាប់នណារពីបំណងរបស់អ្នកទេ។ រីឯបញ្ហាសិចវិញអ្នកជាអ្នកជំនាញលេខមួយ ព្រោះអ្នកចេះលួងលោម បង្កើតអារម្មណ៍ដែលពោរពេញដោយមន្តស្នេហា ទោះបីពេលខ្លះកម្លាំងកាយមិនស៊ូ តែកម្លាំងចិត្តគេមានជានិច្ច។
លេខ 9
ជាមនុស្សដែលមានគំនិតដាច់ខាត និងមុះមុតនិងអ្វីដែលប្រាថ្នាចង់បាន ជាមនុស្សដែលចូលចិត្តស្វែងរកការកោដសសើរ និងទទួលស្គាល់ពីមនុស្សជុំវិញខ្លួន ចូលចិត្តសប្បាយ និងមានគំនិតដូចកូនក្មេងដែលចូលយកតែចិត្តខ្លួនឯងជាធំ ជាមនុស្សក្លាហាន ហ៊ានប្រថុយ។ នៅពេលដែលមានចិត្តលើនណារហើយរមែងតែចង់មានសិចជាមួយគេភ្លាមៗ ដោយអ្នកមិនខ្ចីគិតពីបញ្ហាដែលកើតមាននាថ្ងៃអនាគត។ តែងតែធ្វើការសម្រេចចិត្តលឿនពេក ព្រមទាំងមាននិស្ស័យជាព្រានដែលអារម្មណ៍ពុះកញ្ជោល។ ដូច្នេះយើងសូមដាស់តឿនអ្នកថាកុំភ្លេចដាក់អាវភ្លៀងឲ្យមានជាប់ខ្លួនជានិច្ច មិនអញ្ចឹងប្រយ័ត្នមានបញ្ហាដល់ខ្លួនឯង និងអ្នកដទៃ។
អីយ៉ូយ! អីក៏ត្រូវម្លេះ ខ្ញុំជាមនុស្សប្រភេទលេខ ៤
Comment by KounKhmer — August 28, 2006 @ 12:27 pm