ខ្វះទំនុកចិត្តព្រោះដើមទ្រូងតូច
ប្រភព៖ ឯកសារបរទេស
ប្រែសំរួលដោយ៖ Kv
រឿងកង្វល់ចិត្តរបស់ស្រ្តីចំពោះរូបរាងកាយរបស់នាងមានច្រើនរាប់មិនអស់ តែរឿងទំហំដើមទ្រូងចាត់ទុកថាជារឿងដែលនាងមានការយកចិត្តទុកដាក់យ៉ាងខ្លាំង ជាពិសេសស្រ្តីដែលទើបពេញវ័យ និងស្រ្តីដែលនឹងរៀបការ ពួកនាងតែងមិនមានទំនុកចិត្តចំពោះដើមទ្រូងដែលតូចទាំងគូរបស់នាង នាងខ្លាចអនាគតស្វាមីរបស់នាងមិនពេញចិត្តនឹងពួកវា។
បុរសភាគច្រើនផ្តោតចំណាប់អារម្មណ៍របស់គេចំពោះស្រ្តីមានដើមទ្រូងប៉ោង មូលក្បំ និងមានខ្នាតធំៗ។ តាមការពិតវាមិនដូច្នោះទាំងអស់នោះទេ មានបុរសមិនតិចទេដែលមិនចូលចិត្តស្រ្តីមានដើមទ្រូងធំ ព្រោះខ្នាតដើមទ្រូងដែលធំនោះ អាចធ្វើឲ្យមើលទៅមានភាពរយីករយាក មិនគួរជាទីចាប់អារម្មណ៍។ ការឡើងរឹងរបស់ដើមទ្រូងស្រ្តីដែលមានទំហំតូចត្រូវបានមើលឃើញយ៉ាងច្បាស់ នៅពេលដែលនាងបានទទួលការដាស់អារម្មណ៍ផ្លូវភេទពីដៃគូ។ ដូច្នោះហើយមានបុរសជាច្រើនចូលចិត្តស្រ្តីដែលមានទំហំដើមទ្រូងតូច ព្រោះមើលទៅគួរឲ្យស្រឡាញ់ និងគួរឲ្យគយគន់មិនចេះជិនណាយ។
ទំហំរបស់ដើមទ្រូងអាចមានការប្រែប្រួលបានក្រោយពេលរៀបការ រួមផ្សំជាមួយការច្របាច់លញ់ពីគូស្នេហ៍ផងនោះ ក៏នឹងធ្វើឲ្យដើមទ្រូងស្រ្តីដែលមានទំហំតូចរីកធំជាងមុនបាន។ ស្រ្តីដែលមានទំហំទ្រូងតូចអាចជួយខ្លួនឯងឲ្យមានទំហំធំជាងមុនបានតាមរយៈការម៉ាស្សាដោយខ្លួនឯង។ ត្រូវចាំទុកថាសំរាប់ការមានភេទសម្ព័ន្ធ វិធិដាស់អារម្មណ៍ផ្លូវភេទ សំរាប់ស្រ្តីមិនមែនពឹងតែដើមទ្រូងមួយមុខនោះទេ អ្វីដែលសំខាន់គឺអ្នកទាំងពីរស្រឡាញ់គ្នា ចេះយល់ចិត្តគ្នាទៅវិញទៅមក អ្នកនិងមានសេចក្តីសុខក្នុងជីវិតស្នេហ៍ជាក់ជាមិនខាន។
