ស្វែងយល់ពីការគ្រៀវសំរាប់បុរស (តចប់)
ប្រភព៖ ឯកសារបរទេស
ប្រែសំរួលដោយ៖ Kv
…តពីអត្ថបទមុន
លទ្ធផលដែលទទួលបានក្រោយពេលការគ្រៀវសំរាប់បុរស
បុរសដែលសំរេចចិត្តធ្វើការគ្រៀវច្រើននៅក្នុងអាយុ 30-40 ឆ្នាំ ផលដែលផ្តល់ឲ្យក្រោយពេលគ្រៀវអាចចាត់ទុកថាមានសារៈសំខាន់យ៉ាងខ្លាំង ក្រោយពេលធ្វើការសិក្សារយៈពេលវែងដល់ទៅ 25ឆ្នាំ ទៅលើបុរស 10,000នាក់ ដែលបានគ្រៀវ ឃើញថាមិនមានអ្វីខុសធម្មតាសំរាប់ប្រព័ន្ធការងារផ្សេងក្នុងរាងកាយ លើកលែងតែ៖
1. ប្រព័ន្ធបន្តពូជ
ដោយសារមានការកើនឡើងនៃសំពាធក្នុងពងស្វាសក្រោយពេលគ្រៀវ ធ្វើឲ្យសសៃ ឬបំពង់ទឹកអសុចិរីកធំជាងមុន មានស្នាមប្រេះតិចៗ ព្រមជាមួយការប្រមូលផ្តុំគ្នារបស់ទឹកអសុចិ ឃើញថាមានការភាពតឹងរឹងនៃក្នុងសសៃនោះបើយើងយកម្រាមដៃទៅចុចស្ទាប់ខាងផ្នែកខាងក្រៅ។
ទាំងនេះវាអាចបណ្តាលឲ្យ បំពង់ទឹកអសុចិមានងាយនិងតឹងរឹង ទោះជានៅពេលធម្មតា(មិនមានអារម្មណ៍ភេទ) អាការៈនេះអាចកើតឡើងក្រោយពេលគ្រៀវ 10ឆ្នាំ។ តែវាមិនមានផលប៉ះពាល់ដល់កោសិការដែលមានតួនាទីផលិត អ័រមូនភេទក្នុងពងស្វាសទេ កម្រិតអ័រមូនភេទក្នុងឈាមមានដំណើរការជាធម្មតា និងមិនមានប៉ះពាល់ដល់សមត្ថភាពផ្លូវភេទនោះឡើយ។
ក្រៅពីនោះបរិមាណទឹកកាមដែលបាញ់ចេញមកមានលក្ខណៈធម្មតាទាំងពណ៌ និងក្លិន ព្រោះទឹកកាមប្រហែលពី 90-95%ដែលបាញ់ចេញមកនោះមានប្រភពមកពីទឹករំអិលនៃក្រពេញពងស្វាស និងក្រពេញអសុចិដែលនៅខាងក្រោយផ្លោកនោម។
2. ប្រព័ន្ធការពាររាងកាយ
ជាធម្មតាទឹកអសុចិនឹងត្រូវញែកចេញពីប្រព័ន្ធលំហូររបស់ឈាមនៃរាងកាយខាងក្នុងពងស្វាស សំពាធក្នុងបំពងអសុចិដែលកើនឡើងក្រោយការគ្រៀវសំរាប់បុរស នឹងបំផ្លាញដំណើរការញែកនោះចោល ទឹកអសុចិ និងជ្រាបចូលក្នុងប្រព័ន្ធលំហូរនៃឈាម នឹងក្លាយជាវត្ថុចំលែកក្នុងរាងកាយ ធ្វើឲ្យប្រព័ន្ធការពាររបស់រាងការសាងប្រព័ន្ធការពារថ្មីបបន្ថែម ដើម្បីប្រមូលទឹកអសុចិទាំងនោះរួចបំផ្លាញចោល។ ប្រព័ន្ធការពារថ្មីបន្ថែមនេះ នឹងបាត់ទៅវិញក្នុងរយៈពេល 2-4ឆ្នាំ ក្រោយពេលគ្រៀវ មានករណីតិចតួចណាស់ដែលវានៅមានសេសសស់ក្នុងរយៈពេលក្រោយមក ដែលមានបំណែកខ្លះត្រូវបានជ្រាតចូលមកក្នុងទឹកកាមដែលហូរចេញមក តែវាមិនមានផលប៉ះពាល់អ្វីដល់រាងកាយទេ។
ការគ្រៀវសំរាប់បុរស និងមហារីកនៃអវយវៈបន្តពូជ
ជំនឿដែលថាសំពាធដែលកើនឡើងក្នុងចំពង់អសុចិក្រោយពេលធ្វើការគ្រៀវ គួរតែមានផលប៉ះពាល់ដល់ដំណើរការរបស់ប្រព័ន្ធបន្តពូជ ជាពិសេសពងស្វាស និងក្រពេញអសុចិ ដែលមានកម្រិតប្រឈមមុខនឹងជំងឺមហារីកខ្ពស់ តែការសិក្សាមួយបានលើកបង្ហាញថា ជំនឿខាងលើមិនត្រឹមត្រូវទេ ព្រោះគ្មានអ្វីទាក់ទងគ្នាក្នុងរឿងនេះទៅនិងជំងឺមហារីក។
1. ក្នុងក្រពេញទឹកកាម
មានការយល់ខុសមួយបានលើកឡើងថា ក្រពេញទឹកកាមនឹងធ្វើការផលិតនិងបញ្ចេញទឹករំអិលតិចជាងមុន កោសិការរីកធំជាងមុន ព្រមជាមួយការបន្ថែមកម្រិតអ័រមូនភេទក្នុងសសៃឈាមច្រើនជាងមុន ដែលជាកត្តាជំរុញឲ្យប្រឈមនឹងការកើតមហារីកក្រពេញទឹកកាមរឹតតែខ្ពស់។ តែតាមការសិក្សាស្រាវជ្រាវ មកដល់ពេលបច្ចុប្បន្នឃើញថា ការគ្រៀវសំរាប់បុរសនឹងមិនមានផលប៉ះពាល់ក្នុងមិនបណ្តាលឲ្យមានការផ្លាងប្តូរដំណើរការរបស់ក្រពេញទឹកកាម និងក្រពេញផ្សេងៗក្នុងរាងកាយទេ។
មូលហេតុដែលពិនិត្យឃើញមានកើតមហារីកក្នុងក្រពេញទឹកកាមនៃបុរសដែលបានគ្រៀវរួចហើយច្រើនជាងបុរសធម្មតា បុរសដែលបានគ្រៀវតែងមកមន្ទីពេទ្យពិនិត្យសុខភាពច្រើនជាងបុរសដែលមិនបានធ្វើការគ្រៀវ និងពួកគេតែងតែធ្វើការពិនិត្យក្រពេញទឹកកាមតាមរន្ធគូទច្រើនជាងបុរសដែលមិនបានគ្រៀវ ដូចនេះទើបគេឃើញថាបុរសដែលកើតមហារីកក្រពេញទឹកកាមកើតមហារីកច្រើនជាងបុរសធម្មតា។
2. មហារីកពងស្វាស
គេជឿថាសំពាធដែលកើនឡើងក្នុងពងស្វាសក្រោយពេលគ្រៀវ និងមានផលប៉ះពាល់ដល់ការផលិតអសុចិក្នុងពងស្វាស និងធ្វើឲ្យប្រឈមមុខក្នុងការកើតមហារីកពងស្វាសច្រើន។ តាមរយៈការសិក្សាររយៈពេលវែងមួយបានបង្ហាញថា បុរសដែលបានគ្រៀវរមែងឋិតក្នុងវ័យដែលប្រឈមមុខនិងការកើតមហារីកពងស្វាស និងក្នុងរបាយការណ៍ពេទ្យមួយបានប្រទះឃើញថា មហារីកពងស្វាសក្រោយពេលគ្រៀវ ច្រើនពិនិត្យឃើញក្រោយពេលគ្រៀវបាន 3ខែ បន្ទាប់ពីមានការ ឈឺហួរពងស្វាសគ្រប់ពេល ដែលនាំឲ្យមានការពិនិត្យយ៉ាងលំអិត ទើបគេឃើញមានមហារីក។
សរុបសេចក្តី
ការគ្រៀវសំរាប់បុរសដើម្បីពន្យា ឬបញ្ឈប់ការផ្តល់កំណើត គឺជាការវះកាត់ដែលងាយស្រួលទទួលបានលទ្ធផលល្អក្នុងការពន្យា ឬបញ្ឈប់កំណើតជាស្ថាពរ។ បច្ចេកទេសវះកាត់ការគ្រៀវសំរាប់បុរសថ្មី ក្នុងពេលបច្ចុប្បន្ន ជួយឲ្យផលប៉ះពាល់ផ្សេងៗដែលអាចកើតក្រោយពេលគ្រៀវថយចុះ ដែលជាកត្តាឲ្យការជ្រើសរើសវិធីពន្យាកំណើតរបៀបនេះមានការពេញនិយមច្រើនឡើងនាថ្ងៃអនាគត។
បុរសភាគច្រើនមានក្តីកង្វល់ និងយល់ច្រឡំថា ការគ្រៀវសំរាប់បុរសជាការកាត់ចោលនូវពងស្វាស ដែលគេមិនអាចធ្វើការងារធ្ងន់បាន និងអាចឈានទៅដល់ការបាត់បង់សមត្ថភាពផ្លូវភេទទៀតផង
ទទួលការពន្យល់ និងពិភាក្សាជាមួយពេទ្យ និងជួយកាត់បន្ថយការយល់ខុស និងក្តីកង្វល់ចិត្តរបស់ពួកគេបានយ៉ាងល្អ។ តាមរយៈការសិក្សាស្រាវជ្រាវ ពីអតិតកាលរហូតមកទល់និងបច្ចុប្បន្នកាលបង្ហាញថា ការគ្រៀវសំរាប់បុរសជាវិធីដែលមានសុវត្ថិភាព និងមិនមានផលប៉ះពាល់ក្នុងការដំណើរការផ្សេងៗក្នុងរាងកាយបុរសឡើយ។
