គួរប្រាប់ស្វាមី ថាខ្លួនធ្លាប់រួមភេទជាមួយស្ត្រី ឬទេ?
ប្រភព៖ ឯកសារបរទេស
សំរាប់ស្ត្រីដែលធ្លាប់មានការរួមភេទជាមួយស្ត្រីភេទដូចគ្នា ហើយក៏ធ្លាប់មានការរួមភេទជាមួយបុរស ជាក្រុមស្ត្រីដែលចាត់ថាមានជីវិតប្រក្រតីធម្មតា។ ពួកនាងមានស្វាមីជាបុរសពេញលក្ខណៈ តែនាងឆ្លៀតមានមិត្តភ័ក្រជិតស្និតជាស្ត្រី ហើយលើសពីនោះទៅទៀត ម្តងម្កាលនាងបានធ្វើការរួមភេទជាមួយមិត្តស្រីនាងទៀតផង។ ជាទូទៅពូកនាងមិនមានចិត្តគិតថាឈប់ស្រឡាញ់ ឬបោះបង់ចោលស្វាមីជាបុរសរបស់នាង ទៅរួមរស់ជាមួយមិត្តនាងស្ត្រីឡើយ ហើយក្រុមមនុស្សប្រភេទនេះតែងមានកង្វល់ក្នុងចិត្តថា បើថ្ងៃណាមួយបើស្វាមីនាងដឹង តើគេអាចធ្វើចិត្តទទួលយកបានឬទេ? តើនាងគួរប្រាប់ស្វាមីនាងឬទេ? គ្រូពេទ្យនៃមហាវិទ្យាល័យមួយក្នុងក្រុងបាងកក បានចូលខ្លួនមកបកស្រាយនូវចម្ងល់ខាងលើថា៖
នាងគួរសាកសួរមិត្តភ័ក្ររបស់នាងដែលជាបុរសពេញលក្ខណៈគ្រប់វ័យថា នៅសុខៗស្រាប់តែប្រពន្ធរបស់ខ្លួនមកប្រាប់ថា នាងធ្លាប់រួមភេទជាមួយស្ត្រីដូចគ្នាតើលោកគិតយ៉ាងណាដែរ។ ចម្លើយដែលមិនមែនជាផ្លូវការគឺ ភាគច្រើនយល់ព្រមទទួលស្គាល់ ដែលអ្នកខ្លះតបថាមិនឃើញមានខាតបង់អ្វីផងហ្នឹង តែបើបែរទៅមានសាហាយជាបុរសវិញ គឺមិនបានជាដាច់ខាត។ បន្ថែមពីលើនោះទៀតចម្លើយដែលទទួលបានគឺ បើសិនជានាងលួចលាក់ធ្វើអញ្ចឹងមិនល្អទេ ស៊ូនាងប្រាប់គេតាមត្រង់ៗវិញវាល្អជាង ព្រោះវាជារសនិយមផ្ទាល់ខ្លួនរបស់នាង។ លើសពីនោះទៀតមានអ្នកខ្លះអាចនឹងតបថា បើសិនជាខ្លួនគេជាបុរសបានចូលរួមក្នុងការរួមភេទជាមួយពួកនាងទៀតនោះវារិតតែល្អ។ តើនាងគិតយ៉ាងណាបើសិននាងទទួលបានចម្លើយខាងក្រោយគេនេះ? នាងគិតថាមិត្តស្រីរបស់នាងយល់ព្រមឬទេ? ឧទាហរណ៍ថាមិត្តស្រីនាងព្រម តើនាងគិតយ៉ាងណា?
ដូច្នេះចម្លើយដែលចាត់ទុកថាត្រឹមត្រូវនោះវាប្រហែលជាគ្មានទេ ហើយចម្លើយដែលសមរម្យនោះក៏ប្រហែលជារកមិនបានដែរ។ អ្វីដែលសំខាន់គឺត្រូវដឹងថាសកម្មភាព ឬទង្វើផ្សេងៗក្នុងជិវិតមនុស្សយើងមាន ជិវិតការងារ គ្រួសារ ជិវិតផ្ទាល់ខ្លួន និងសង្គម។ យើងគួរធ្វើរឿងផ្ទាល់ខ្លួនរបស់យើង ឲ្យក្លាយជារឿងដែលសង្គមអាចទទួលយកបាន ហើយសង្គមក៏មិនគួរជ្រៀតជ្រែកចូលក្នុងជីវិតផ្ទាល់ខ្លួនរបស់អ្នកណាម្នាក់ដែរ បើពួកគេមិនបានធ្វើអ្វីដែលប៉ះពាល់ដល់សង្គម បើដូច្នោះមែនមនុស្សលោកយើងប្រហែលជារបស់នៅក្នុងសង្គមដោយក្តីសុខដុម មិនចាំបាច់ព្រួយបារម្មណ៍ និងធ្វើខ្លួនតាមការនិយមរបស់សង្គមដែល ផ្ទុយពីការនិយមរបស់គេឡើយ។
គួរចាំទុកថា អ្វីដែលមិនគួរនឹងឃើញ ក៏កុំឲ្យឃើញខ្លះក៏ល្អ អ្វីដែលមិនគួរឲ្យឮ ក៏កុំឲ្យឮខ្លះក៏ល្អ អ្វីដែលមិនគួរនិយាយ យកល្អកុំនិយាយ បើនិយាយទៅវាមិនចំណេញ ហើយបែរជាខាតបង់ទៅវិញនោះ។ មនុស្សយើងមានសិទ្ធិរក្សាការសំងាត់ផ្ទាល់ខ្លួនឲ្យដល់ទីបំផុតតាមដែលអាចរក្សាបាន ទោះជាមានមតិខ្លះយល់ថាអាថ៌កំបាំងគ្នាទេលើលោកនេះក៏ដោយ។
