លឹង្គមិនងើបរឹង...សញ្ញាណរោគបេះដូង
ប្រភព៖ ឯកសារបរទេស
ប្រែសំរួលដោយ៖ Kv
គ្រូពេទ្យជំនាញរោគបេះដូងបានធ្វើការដាស់តឿនដល់បុរសដែលមានជំងឺចុះខ្សោយ ឬបាត់បង់សមត្ថភាពផ្លូវភេទ ឬ (Erectile dysfunction, ED) គួរប្រញាប់ទៅរកពេទ្យពិនិត្យសុភាពជាបន្ទាន់ ព្រោះតាមរបាយការណ៍នៃការសិក្សាស្រាវជ្រាវថ្មីៗនេះ របស់សមាគមន៍ពេទ្យរោគបេះដូងនៅសហរដ្ឋអាមេរិចបានរកឃើញថា៖ រោគចុះខ្សោយសមត្ថភាពផ្លួវភេទ អាចជាសញ្ញាណប្រាប់មុនពីការកើតនូវជំងឺបេះដូងបាន។
បច្ចុប្បន្នអត្រានៃជំងឺស្ទះសសៃឈាមក្នុងបេះដូង ឬគាំងបេះដូង(Heart Attack) និងជំងឺបែកសសៃឈាមក្នុងខួរក្បាល (Stroke) មានការកើនឡើងជារាងរាល់ឆ្នាំ។ រោគបាត់បង់សមត្ថភាពផ្លូវភេទ ត្រូវបានគេរកឃើញថាកើតជាមួយអ្នកជំងឺបេះដូងក្នុងកម្រិតខ្ពស់រហូតដល់ទៅ ៣៩% តែសម្រាប់ក្រុមមនុស្សទូទៅមានត្រឹមតែ ៩,៦%ប៉ុណ្ណោះ ទាំងនេះអាចបង្ហាញឲ្យយើងឃើញថា ជំងឺបាត់បង់សមត្ថភាពផ្លូវភេទ មានទំនាក់ទំនងយ៉ាងពិតប្រាដកជាមួយជំងឺបេះដូង។
របាយការណ៍ខាងលើត្រូវបានរកឃើញដោយសមាគមន៍ពេទ្យជំងឺបេះដូងនៅសហរដ្ឋអាមេរិចថ្មីនេះ។ លោកវេជ្ជបណ្ឌិត Mark Art Fritzker រកឃើញថានៅពេលដែលភាវៈបំពង់ឈាមរឹងខ្លួន(Arteriosclerosis)កើតឡើង ក្នុងសសៃឈាមមួយចំនួន កម្រិតដែលសសៃឈាមកកស្ទះអាចកើតមានឡើងខ្ពស់ ដោយសារតែសសៃដែលហូរនាំឈាមទៅកាន់អវៈយវៈភេទមានទំហំតូចជាងសសៃឈាមដទៃ ដូច្នោះហើយភាវះនៃបំពង់ឈាមរឹងអាចកើតមានឡើងនៅបរិវេញនោះមុនគេ ហើយវាធ្វើឲ្យលឹង្គមិនអាចងើបរឹងបាន។ ការរកឃើញនេះមានប្រយោជន៍យ៉ាងច្រើន ដែលអាចនាំយើងឈានទៅរកការទប់ស្តាត់ការកើតជំងឺបេះដូងបាន។
បុរសទាំងឡាយដែលដឹងខ្លួនថា ផ្តើមមានអាការៈចុះខ្សោយសមត្ថភាពផ្លូវភេទ (ក្នុងករណីដូចជា៖ មិនសូវជារវល់ការងារ, មិនសូវស្មុគស្មាញអារម្មណ៍ ឬមិនមានបញ្ហាក្នុងក្រុមគ្រួសារ សង្កេតមុនពេលរួមរ័កលោកមានអារម្មណ៍ផ្លូវភេទជាធម្មតា តែលឹង្គរបស់លោកបែរជាមិនសូវឡើងរឹងដូចពីមុន មិនឡើងតែម្តងក៏មាន) លោកគួរទៅពិភាក្សាជាមួយគ្រូពេទ្យជំនាញជាប្រញាប់ ព្រោះលោកប្រហែលជាកំពុងប្រឈមមុខជាមួយជំងឺខ្លាំងក្លាមួយចំនួនដូចជា ទឹកនោមផ្អែម, បេះដូង និងលើសឈាមជាដើម។ 
ការសិក្សាខាងលើអាចជាការដាស់តឿនបុរសដែលមានជំងឺចុះខ្សោយសមត្ថភាពផ្លូវភេទថា កុំរវល់តែកង្វល់ពីការដែលលឹង្គមិនងើបរឹងតែមួយមុខខ្លាំងពេក គួរទៅពិនិត្យសុខភាពរាងកាយផ្នែកផ្សេងៗផង ព្រោះជំងឺដែលតាមមកពីក្រោយជំងឺនេះអាចជាបង្កគ្រោះថ្នាក់ដល់ជិវិតលោកបាន បើធ្វើការព្យាបាលមិនទាន់ពេលវេលា។
សម័យ នេះជាសម័យស្លៀកខ្លី សំពត់ខ្លី ខោខ្លី (គូឡុត) ឬសំពត់ឆែកជាដើម។ គ្មានបុរសណាទ្រាំមិនក្រឡេកភ្នែកមើលនារីស្លៀកខ្លីនោះទេ។ តែសុភាពនារីខ្លះមិនហ៊ានបញ្ចេញជើងរបស់ខ្លួនឡើយ ដោយសារអ្នកខ្លះថា ពណ៌សម្បុរជើងមិនស ហើយខ្មាស់គេតែតាមពិតពណ៌សម្បុរមិនមែនជាចំណុចសំខាន់ទេ។ ជឿទេ? ចំណុចសំខាន់គឺភាពរលោងស្អាត និងរាងសិចស៊ីរបស់ជើងឯណោះវិញទេ។ សូមអានអត្ថបទខាងក្រោមដែលជួយណែនាំអ្នកនាងកញ្ញាឲ្យមានជើងស្អាត និងសិចស៊ី។
