ស្វាមីមានអាយុច្រើន ប្រពន្ធមានឱកាសរលូតកូនច្រើន
ប្រភព៖ ឯកសារបរទេស
ប្រែសំរួលដោយ៖ Kv
អ្នក វិភាគផ្នែកវេជ្ជសាស្រ្តសង្ស័យថា អាយុរបស់ឪពុកអាចមានចំណែកធ្វើឲ្យកូនក្នុងផ្ទៃងាយនឹងរលូតបាន ក្នុងខណៈដែលអាយុរបស់ម្តាយ បែរជាគ្នានផលប៉ះពាល់ទៅវិញ។
ក្រុមអ្នកវិភាគរបស់មហាវិទ្យាល័យកូឡំបៀរ ផ្នែកវិទ្យាសាស្ត្រសុខភាពសាធារណៈ នៅសហរដ្ឋអាមេរិច បានធ្វើសេចក្តីរាយការណ៍ស្តីពីលទ្ធផលនៃការសិក្សាលើស្ត្រីដែល មានផ្ទៃពោះចំនួន ១៤០០០នាក់ ថា៖ ក្រុមស្ត្រីដែលមានស្វាមីអាយុច្រើនជាង ៤០ឆ្នាំ មានឱកាសរលូតកូនខ្ពស់ជាងក្រុមស្ត្រីដែលមានស្វាមីអាយុពី ២៥ ទៅ ២៩ឆ្នាំ រហូតដល់ ៦០%។
ទន្ទឹមគ្នានេះដែរមានរបាយការណ៍មួយទៀតបានបញ្ហាញថា ទោះបីជាបុរសអាចផលិតមេជីវិតឈ្មោល(អសុចិ) បានរហូតដល់ថ្ងៃស្លាប់ ឬមានន័យថាបុរសអាចមានកូនបានរហូតដល់វ័យចំណាស់ក៏ដោយ តែលទ្ធផលរបស់ការសិក្យាបានបញ្ហាញថា ភាពពេញលក្ខណៈនៃការបន្តពូជតែងតែស្រុតចុះតាំងពីពេលដែលបុរសមាន អាយុច្រើនបន្តិច។ បុរសជាឪពុកដែលមានអាយុច្រើន ប្រឈមមុខនឹងការមានកូនដែលមិនគ្រប់លក្ខណៈ ព្រោះតាមរយៈការសិក្សាថ្មីៗនេះរកឃើញថា សមត្ថភាពក្នុងការបន្តពូជរបស់បុរស ចាប់ផ្តើមស្រុតចុះនៅពេលបុរសឈានចូលអាយុ ៤០ឆ្នាំឡើងទៅ ដូចគ្នាទៅហ្នឹងភាពពេញលក្ខណៈក្នុងការបន្តពូជរបស់ស្ត្រីដែលចាប់ ផ្តើមស្រុតចុះនៅពេលស្ត្រីឈានចូលអាយុ ៣៥ឆ្នាំ ឡើងទៅ។
