"ឱប-ថើប" បែបណាស្រឡាញ់? បែបណាបោក?
ប្រភព៖ Xcite
ប្រែសំរួលដោយ៖ Kv
(គួរចាំ៖ ការឱបរិតណែនៗ មិនប្រាកដថាជាសញ្ញានៃក្តីស្រឡាញ់នោះទេ)
កាយវិការទី 1- ចាប់ស្មាហើយថើប
បើសិនជាគេចាប់ស្មាអ្នកទាំងសងខាងមុនចាប់ផ្តើមថើប ដូចគេព្យាយាមចាប់អ្នកដូចជារបស់គ្មានជីវិត ការចាប់ស្មាអ្នកក្នុងចន្លោះគម្លាតប្រហែល3-4តឹកដោយការតាំងចិត្ត មានន័យថាគេចាត់ទុកសម្ព័ន្ធភាពអ្នកត្រឹមជាមនុស្សស្និតស្នាលប៉ុណ្ណោះ ឬអាចនិយាយម្យ៉ាងទៀតថាគូស្នេហ៍របស់អ្នកមិនប្រាកដប្រជាជាមួយអ្នកទេ គេត្រៀមខ្លួនសំរាប់ការទាត់អ្នកចេញពីផ្លូវរបស់គេជានិច្ចនៅពេលណាដែលគេផ្លាស់ចិត្ត។ (ដូច្នេះបើអ្នកមិនអាចធ្វើឲ្យគេឱបថើបអ្នកក្នុងលក្ខណៈទន់ភ្លន់ទេនោះ នៅចាំអីទៀត…ទាត់គេចោលភ្លាមទៅមុនពេលដែលគេទាត់អ្នកចោល)។
កាយវិការទី 2- ទាញចូលមកថើប
អ្នកមានអារម្មណ៍ថាគូស្នេហ៍អ្នកដូចជាស្រែកឃ្លាន ស្រឡាញ់អ្នកខ្លាំងណាស់មែនទេ នៅពេលដែលគេយកដៃទាំងពីរចាប់ក្តោបមុខអ្នកទាញយកទៅថើប។ សូមអ្នកគិតជាថ្មីឡើងវិញ Dr. Willson បានធ្វើការដាស់តឿនថា៖ "នៅពេលដែលបុរសថើបអ្នកក្នុងលក្ខណៈនេះ គឺបានន័យថាគេមិនឲ្យអ្នកមានជំរើសផ្សេងក្រៅពីការថើបគេតែមួយមុខប៉ុណ្ណោះ លទ្ធផលនៃការថើបបែបនេះគឺ គេកំពុងចាត់ទុកអ្នកជាក្មេងម្នាក់ ដែលស្ថិតនៅក្នុងការគ្រប់គ្រងរបស់គេ"។ បើអ្នកត្រូវការគូស្នេហ៍ជាអ្នកដឹកនាំឃុំគ្រងព្រោះក្តីស្រឡាញ់នោះប្រហែលជាគ្នានបញ្ហាទេ តែប្រយ័ត្នគេគ្រប់គ្រងរហូតដល់អ្នកមិនអាចធ្វើអ្វីផ្សេងបានណា!
កាយវិការទី 3- ឱបចង្កេះរួចថើប
បើគូរស្នេហ៍យកដៃទៅឱបចង្កេះអ្នកពេលកំពុងថើបអ្នក អ្នកអាចសប្បាយបាន Dr. Willson ប្រាប់ថា៖ "នេះជាវិធីថើបដែលរ៉ូមែនទិចណាស់ គឺវាសម្តែងចេញនូវភាពស្និតស្នាល និងផ្តល់នូវឥស្សរៈភាពដល់ភាគីស្ត្រីក្នុងការមានចលនាបាន ជាវិធីដែលបង្ហាញឲ្យឃើញនូវការពេញចិត្តពេញថ្លើមផងដែរ"។ ការភ្ញោចអារម្មណ៍តាមរយៈបបូរមាត់ និងចង្កេះគឺបង្ហាញពីការព្យាយាមរបស់គេ ក្នុងការដាស់អារម្មណ៍របស់អ្នកពោរពេញដោយភាពទន់ភ្លន់ វាក៏បានន័យថាគេកំពុងតែរកវិធីធ្វើឲ្យអ្នកស្លាប់ចិត្តសិន មុននឹងបណ្តើរអ្នកទៅរកគ្រែ (បើអ្នកមិនទាន់ព្រមសំរាប់ដំណាក់កាលលើគ្រែទេ គួរប្រយ័ត្នខ្លួនសំរាប់ការថើបបែបនេះ)។
ចៅនឹងយកមេរៀននេះទៅសង្កេតមនុស្សខ្លះដែលឪបចៅ
Comment by វណ្ណា — August 24, 2006 @ 7:07 pm
ល្អណាស់ចៅ! តាក៏យកទៅសង្កេតដែរហ្នឹងណា! នៅមាន ៦ចំនុចនៃការឱបថើបទៀតនឹងដាក់ជូនអានក្នុងពេលឆាប់ៗនេះ។ ហើយពេលដឹងដូច្នេះហើយ ពេលយើងឱបថើបអ្នកណាម្នាក់ក៏គួរប្រយ័ត្នប្រយែងកុំឲ្យគេចាប់បានឲ្យសោះ... ហេហេហេមែនទេ?
Comment by តាខេម — August 25, 2006 @ 2:39 am
ត្រូវហើយលោកតា! ពេលនោះយើងនឹងក្លាយទៅជាអ្នកសំដែងដ៍ប៉ិនប្រសព្វម្នាក់ ហេហេ..!!
Comment by វណ្ណា — August 25, 2006 @ 5:44 pm