"ឱប-ថើប" បែបណាស្រឡាញ់? បែបណាបោក? (ត)
ប្រភព៖ Xcite
ប្រែសំរួលដោយ៖ Kv
…តពីអត្ថបទមុន
កាយវិការទី 4- ឱបចង្កេះ
បើគេចូលចិត្តយកដៃមកឱបជុំវិញចង្កេះអ្នក យើងសូមប្រាប់ថាអ្នកជាមនុស្សដែលមានសំណាងល្អ។ Dr. Willsom ប្រាប់ថា៖ "នេះសម្តែងឲ្យឃើញនូវការអើពើយ៉ាងខ្លាំងក្លា និងមានភាពប្រាកដក្នុងចិត្ត ក្នុងការចងសម្ព័ន្ធភាពយ៉ាងណែនជាមួយអ្នក វាជាការឱបដែលបង្ហាញប្រាប់ពីសេចក្តីស្រឡាញ់យ៉ាងធំ ពោរពេញទៅដោយភាពស្និតស្នាលនិងជឿជាក់គ្នាទៅវិញទៅមកវាងអ្នកទាំងពីរ សម្ព័ន្ធភាពរបស់អ្នកទាំងពីរនិងឈានទៅមុខបានយ៉ាងល្អ" តែអ្វីដែលការថើបលក្ខណៈនេះមិនបានសម្តែងចេញគឺសេចក្តីស្នេហាដែលឈានទៅរកសម្ព័ន្ធភាពផ្លូវភេទ វាជាភាសាកាយវិការដែលអាចធ្វើឡើងរវាងមនុស្សក្នុងគ្រួសារ, មិត្តភ័ក្រ ។ល។
កាយវិការទី 5- ឱបស្មា
នៅពេលដែលបុរសឱបដៃទាំងសងខាងរបស់អ្នកគឺបានន័យថាគេកំពុងប្រកាស់ខ្លួនជាម្ចាស់លើអ្នក ហើយគេជាភាគីដែលមានអំណាចលើអ្នកជានិច្ច ចាំមើលថែគ្រប់គ្រងការពារអ្នក បើសិនអ្នកចូលចិត្តសម្តែងអាកប្បកិរិយាដូចជាកូនមាន់ថែមទៀតនោះ អ្នកនិងគេម្នាក់នោះសមគ្នាបំផុតហើយ។ តែបើអ្នកប្រាថ្នាជីវិតគូដែលស្មើភាពគ្នានោះ បានន័យថាអ្នកកំពុងជួបបញ្ហាហើយ សាកយកដៃរបស់អ្នកទៅឱបស្មាគេវិញមើល តើវានឹងមានអ្វីកើតឡើងឬទេ? បើគេនៅតែព្យាយាមយកដៃគេមកគ្របលើស្មាអ្នកដូចដើមនោះ សូមប្រញាប់ទាត់គេចោលឲ្យហើយទៅ ព្រោះអ្នកកំពុងក្លាយខ្លួនកូនមាន់ក្នុងកណ្តាប់ដៃគេហើយ។
កាយវិការទី 6- ឱបស្មា និង ចង្កេះ
បុរសភាគច្រើនចូលចិត្តប្រើដៃម្ខាងឱបស្មាអ្នក និងប្រើដៃម្ខាងទៀតឱបចង្កេះអ្នកខណៈពេលរាំរែកគ្រាទើបទាក់ទងគ្នាថ្មីៗ ស្ត្រីអាចគិតថាវាជាកាយវិការដែលបុរសផ្តល់កិត្តិយសជូននាង។ Dr. Willson យល់ឃើញថា៖ "បុរសដែលឱបស្ត្រីក្នុងកាយវិការនេះកំពុងប្រយ័ត្នខ្លួនមិនធ្វើអ្វីឲ្យជ្រុលលើអ្នក គេព្យាយាមដាក់ដៃរបស់គេនៅលើទីតាំងដែលមិនធ្វើឲ្យស្ត្រីបាត់បង់ទំនុកចិត្ត" តែបើ ៥ឆ្នាំក្រោយមកគេនៅរក្សាកាយវិការបែបនេះដដែល នោះបង្ហាញឲ្យឃើញថាអ្នកដល់ពេលចែកផ្លូវជាសង្សារពីគេហើយ សម្ព័ន្ធភាពដែលអ្នកទាំងពីគួរផ្តល់ឲ្យគ្នាទៅវិញទៅមកគឺត្រឹមមិត្តប៉ុណ្ណោះ។
