ស្នេហា ៤ប្រភេទរបស់យុវវ័យ
"សេចក្តីស្នេហា ឬ ការស្រឡាញ់" ជាប្រតិកម្មនៃផ្នែកអារម្មណ៍ម្យ៉ាងរបស់មនុស្សដែលសម្តែងចេញមកលើបុគ្គល ឬវត្ថុ ដែលខ្លួនស្រឡាញ់។ សេ្នហា ឬ ការស្រឡាញ់របស់យុវវ័យ គឺជាអ្វីដែលចម្លែក និងមានអ្វីគួរឲ្យភ្ញាក់ផ្អើលជាច្រើន ដូចជា ស្នេហារវាងភេទផ្ទុយគ្នា ជាស្នេហាដែលកើតឡើងដោយសារអ័រមូនភេទ ដូច្នេះគេអាចបែងចែកស្នេហារបស់យុវវ័យជា៤ប្រភេទធំៗដូចខាងក្រោម ៖
1- ការស្រឡាញ់ខ្លួនឯង កើតមកពីការឃើញភាពសំខាន់របស់ខ្លួនឯង និងមានចំណាប់អារម្មណ៍លើខ្លួនឯង (គេអាចសង្កេតឃើញក្មេងជំទង់ចាប់ចេះរៀបចំតែងខ្លួន ចង់ស្អាត ចង់ល្អ ។ល។)
2- ការស្រឡាញ់មិត្តភ័ក្រ យុវវ័យភាគច្រើនចូលចិត្តនៅជាមួយមិត្តភ័ក្រ និងស្រឡាញ់មិត្តរបស់ខ្លួនយ៉ាងខ្លាំង (ពេលខ្លះគេហ៊ានប្រកែកតវ៉ាជាមួយឪពុកម្តាយព្រោះតែបញ្ហាសេពគប់មិត្តជាដើម…)
3- ការស្រឡាញ់ចំពោះមនុស្សដែលខ្លួនកោតសសើរ និងចូលចិត្តជាពិសេស មានដូចជា តារាចម្រៀង, តារាភាពយន្ត ក្នុងដួងចិត្ត ឬមនុស្សល្បីល្បាញក្នុងសង្គមដូចជា អ្នកនយោបាយ ។ល។
4- ការស្រឡាញ់មិត្តភេទផ្ទុយគ្នា ក្មេងដែលស្ថិតក្នុងវ័យនេះមានរំញោចផ្លូវភេទខ្ពស់ មានតម្រូវការដើម្បីក្លាយខ្លួនជាទីស្រឡាញ់នៃអ្នកដទៃ និងចង់ជាមនុស្សដែលភេទផ្ទុយខ្លួនកោតសសើរ។
