ស្នេហ៍អស់ពីចិត្ត? ឬ ចិត្តអស់ពីស្នេហ៍?
"ស្នេហ៍អស់ពីចិត្ត" ឬ "ចិត្តអស់ពីស្នេហ៍" ឃ្លាទាំងពីរនេះសរសេរដូចគ្នាបេះបិត តែគ្រាន់ផ្លាស់ប្តូរទីតាំងពាក្យក្នុងឃ្លាប៉ុណ្ណេះធ្វើឲ្យឃ្លាទាំងពីរនេះមានន័យផ្ទុយគ្នាដូចមេឃ និង ដី។ គ្មានមនុស្សណាម្នាក់ក្នុងលោកនេះចង់ឲ្យឃ្លាថា "ស្នេហ៍អស់ពីចិត្ត" ប្រែទៅជា "ចិត្តអស់ពីស្នេហ៍" ទេ។
ការសាងសង់សំណង់ស្នេហ៍មិនអាចគូសប្លង់ទុកជាមុនបានដូចការសាងសង់ផ្ទះនោះទេ មិនមានអ្នកណាម្នាក់អាចគ្រប់គ្រង គូសវាសផ្លូវដើរ និងថែរក្សាស្នេហាឲ្យដូចថ្ងៃដំបូងដែលអ្នកស្គាល់គ្នាបានឡើយ។ បុប្ផាស្រស់ស្អាតគង់មានថ្ងៃស្វិតក្រៀមរុះរោយ វាមិនខុសអ្វីពីចិត្តរបស់មនុស្សលោកយើង ដែលមិនមែនជាផ្កាជ័រ ម្លោះហើយគ្មានពាក្យថានឹងនរ, អមតៈ ឬនិរន្ត៍ សំរាប់មនុស្សលោកទេ។
"ស្នេហ៍" គឺជាការយល់ព្រម មិនប្រើហេតុផល ទាំង "ស្នេហ៍" តែមិនច្រើនល្មមដែលនិងប្រែប្រួល ជាមួយពាក្យអះអាងរាប់មិនអស់របស់មនុស្សមួយចំនួន ដែលប្រថ្នាឲ្យមនុស្សដែលខ្លួនស្រឡាញ់ផ្លាស់ប្តូរតាមការចង់បានរបស់ខ្លួន។ ភ្លេចហើយឬនៅ? ធ្លាប់ស្រឡាញ់អ្វី? ពីមុនធ្វើបានហេតុអ្វីឥឡូវធ្វើមិនបាន? ពីមុនធ្លាប់រង់ចាំបាន ហេតុអ្វីបែរជារង់ចាំមិនបាន? ព្រោះតែងរាងកាយចាស់របស់យើង ឬ មកពីចិត្តរបស់យើងប្រែប្រួល? ឈប់បង្ខំចិត្តខ្លួនឯងទៀតទៅ រឿងរបស់បេះដូងមិនអាចបង្ខំបានទេ!
បង្អែមជីវិតសូមលូកដៃរបស់ខ្លួនកប់ចូលយ៉ាងជ្រៅក្នុងបេះដូងមនុស្សកំពុងមានស្នេហ៍ ទោះបីជាមិនដឹងថាក្តីស្នេហ៍ដែលកំពុងមានវាយ៉ាងម៉េចទៅហើយ ឬជិតហួសកាលបរិច្ឆេត(Expire) ហើយក៏មិនដឹង ៖
* កត់ចំណាំលេខរៀងសំណួរ និងចម្លើយរបស់អ្នកផងណា…អានរួចឆ្លើយសឹមមើលចម្លើយ!
1- ពេលអ្នកកំពុងដើរផ្សារជាមួយគ្នា ស្រាប់តែមិត្តភ័ក្ររបស់គេ Call បបួលគេទៅដើរលេង សង្សារអ្នកនឹង…
ក- ចោលអ្នកទៅរកមិត្ត
ខ- បដិសេដ្ឋមិត្តគេភ្លាមៗ
គ- នៅជាមួយអ្នកសិន រួចទើបព្យាយាមដកខ្លួនចេញទៅ
2- គេបបួលអ្នកទៅជាមួយគេជាមិត្តពេលមានធុរៈ តែអ្នកមិនទំនេរទើបបដិសេដ្ឋមិនទៅ សង្សារអ្នកនឹង…
ក- ប្រាប់អ្នកមិនអីទេ បើរវល់ដូចគ្នាធ្វើការងាររាងៗខ្លួនឲ្យរួចទៅអញ្ចឹង
ខ- ខឹងខ្លាំងណាស់ រហូតឈប់ទាក់ទងមកអ្នក
គ- បង្ខំឲ្យទៅជាមួយគេ ហាមបដិសេដ្ឋ
3- អ្នកនឹងគេណាត់គ្នា តែគេបែរជាភ្លេចទៅវិញ អ្នកក៏សួរនាំដេញដោលគេ សង្សារអ្នកនឹង…
ក- មិនចាប់អារម្មណ៍ មិនខ្វល់
ខ- គេប្រាប់មកអ្នកថា "ខ្ញុំមានសិទ្ធិធ្វើអ្វីក៏បាន"
គ- សុំទោស សុំទោស និងចុងក្រោយ ក៏នៅតែនិយាយពាក្យថា "សុំទោស"
4- អ្នកទិញទំនិញច្រើនពេកយួរមិនអស់ Call ទៅរកគេឲ្យមកជួយយូរ សង្សារអ្នកនឹង…
ក- មិនទំនេរទេ គេប្រាប់ឲ្យអ្នកយួរខ្លួនឯងទៅ
ខ- ប្រាប់ឲ្យអ្នកចាំមួយភ្លែក បន្តិចទៀតគេទៅដល់ហើយ
គ- សួរអ្នកយ៉ាងបន្ទាន់ថាអ្នកនៅទីណា ហើយគេក៏ប្រញាប់ប្រញាលមកជួរយួរយ៉ាងលឿន
5- ពេលអ្នកជួបបញ្ហា អ្នកត្រូវការមនុស្សម្នាក់ចាំជួយសម្រាលទុកអ្នក គេម្នាក់នោះគឺជា "សង្សាររបស់អ្នក" ហើយគេនឹង…
ក- មិនសប្បាយចិត្តតាមអ្នក និងមិនបង្អង់យូរតម្រង់មករកអ្នកភ្លាម
ខ- នឿយហត់នឹងការងារខ្លាំងណាស់ ឈឺក្បាលខ្លាំងណាស់ថ្ងៃនេះ សុំមិនទទួលស្តាប់រឿងរ៉ាវដ៏តានតឹងរបស់អ្នកបានទេ?
គ- កំពុងជាប់រវល់ តែក៏ទ្រាំស្តាប់ការរាយរ៉ាប់ទុកសោករបស់អ្នក ហើយក៏លួងលោមចិត្តអ្នកបន្តិចបន្តួច
6- បើសិនអ្នកធ្វើឲ្យរបស់សំណប់ចិត្តរបស់គេខូច ដោយមិនបានតាំងចិត្ត សង្សារអ្នកនឹង…
ក- ខឹងឡើងក្តៅដូចភ្លើង ស្តីឲ្យមិនទុកមុខទុកមាត់នៅក្នុងចំណោម
ខ- ខឹងមិនតិចទេ តែណៅគេអភ័យទោសឲ្យអ្នក ព្រោះអ្នកមិនបានតាំងចិត្ត
គ- មិនអីទេ អត់ទោសឲ្យបាន ហើយក៏ដាស់តឿនអ្នកឲ្យមានការប្រុងប្រយ័ត្នខ្លះលើកក្រោយ
7- គេតែងខ្ចីទូរស័ព្ទរបស់អ្នកប្រើជាញយៗ ហើយយូរៗទៀតផង ពេកអ្នករអ៊ូររទាំ សង្សារអ្នកនឹង…
ក- ដឹងខ្លួន និងមិនរំខានអ្នកទៀតទេ
ខ- ហុចឲ្យអ្នកវិញ ហើយពោលថា៖ "បន្តិចបន្តួចសោះ ម៉េចក៏រិះម្លេះ! រអ៊ូរច្រើនម្លេះ"
គ- ង៉ក់ងរ មិនសុខចិត្ត ថែមទាំងខឹងអ្នកទៀតផង
8- ពេលមានមនុស្សភេទផ្ទុយពីអ្នកលួចមើលអ្នក សង្សារអ្នកនឹង…
ក- សួរអ្នកថានឹងទៅទាក់ទងជាមួយគេម្នាក់នោះឬទេ?
ខ- មានមោទនភាពព្រោះមានសង្សារល្អ
គ- ដាស់តឿនអ្នកឲ្យស្លៀកពាក់ឲ្យស្អាតបាតបន្តិច (អ្នកមិនយល់ថាគេចង់មានន័យថាម៉េចទេ???)
9- ក្នុងថ្ងៃសំខាន់ "ខួបកំណើត" របស់អ្នក សង្សារអ្នកនឹង…
ក- មិនដែលភ្លេច និងមានអំណោយជានិច្ច
ខ- អូ ថ្ងៃនេះឬ? ពិតមែនណា? កុំលេងសើច ពិតថ្ងៃកំណើតមែនឬ??!!
គ- មិនដែលភ្លេច តែស្ថានភាពលុយកាក់មិនសូវល្អ ទើបមិនមានអំណោយ!
10- អ្នកអួតគេពីម៉ូដសក់ថ្មីដែលអ្នកទើបទៅកាត់មកថ្មីៗ យ៉ាងស្អាត(ជាការគិតរបស់អ្នកខ្លួនឯង) តែពេលគេឃើញ សង្សារអ្នកនឹង…
ក- ព្រងើយមិនចាប់អារម្មណ៍អ្វីទាំងអស់
ខ- គេថា៖ "OK ម៉ូដធម្មតាៗ"
គ- មិនហ៊ានចេញក្រៅផ្ទេះជាមួយអ្នកទេ!
