ចិញ្ចឹមកូនយ៉ាងណាមិនឲ្យខុសភេទ
ក្នុងយុគសម័យនេះគ្រួសារជាច្រើនហាក់ដូចជាមានកង្វល់ក្នុងចិត្តរឿងព្រឹត្តិកម្មរបស់កូនខ្លួន ដែលតែងតែសង្ស័យថាមានទំនោរខុសពីភេទរបស់ពួកគេ មានជាអាទិដូចជា កូនប្រុសចូលចិត្តតែងខ្លួនជាមនុស្សស្រី ឬក្មេងស្រីមានចរិកកាយវិការដូចមនុស្សប្រុស។ ព្រឹត្តិកម្មទាំងនេះជាព្រឹត្តិកម្មវៀចវេរផ្លូវភេទ ទើសភ្នែកទើសត្រចៀកឪពុកម្តាយ ឬអ្នកដ៏ទៃដែលបានមកឃើញជាក់ជាមិនខាន។
បច្ច័យសំខាន់ដែលធ្វើឲ្យក្មេងទាំងនេះមានព្រឹត្តិកម្មដូចបានលើកខាងលើមានជាច្រើនប្រការ ដូចជា៖
1- ការចិញ្ចឹមកូនបែបខុសភេទ ប្រហែលជាត្រូវចាប់ផ្តើមពីឪពុកម្តាយដែលសង្ឃឹមចង់បានកូនមានដែលមានភេទដូចខ្លួនប្រាថ្នា តែចៃដន្យពេលកូនកើតមកបែរជាមានភេទដែលផ្ទុយពីអ្វីដែលគាត់ចង់បាន ដូចជាចង់បានកូនប្រុស តែបែរជាបានកូនស្រី នេះធ្វើឲ្យឪពុកម្តាយមានការខកចិត្ត ទើបដក់ជាប់ក្នុងចិត្ត ហើយធ្វើវិធីសាស្ត្រក្នុងការចិញ្ចឹមកូនប្រុសជាមួយកូនស្រីខ្លួនទៅវិញ ទាំងនេះជាមូលហេតុធ្វើឲ្យក្មេងមានការវិវត្តន៍ខុសផ្លូវភេទ។
2- ចាប់អារម្មណ៍ភេទណាមួយជ្រុលពេក គ្រួសារដែលមានកូនច្រើននាក់ មានទាំងកូនស្រី និង កូនប្រុស អាចមានកូនប្រុសច្រើនជាងកូនស្រី ឬ កូនស្រីច្រើនជាងក្ូនប្រុស នេះក៏អាចជាមូលហេតុមួយធ្វើឲ្យកើតបញ្ហាប្រែប្រួលផ្លូវភេទរបស់កូនបានដែរ គឺប្រែប្រួលទៅរកភេទដែលមានចំនួនច្រើនក្នុងគ្រួសារ។
3- កង្វះគំរូឪពុក ឬគំរូម្តាយ គឺ អ្នកដែលជាឪពុកជាម្តាយ គួរធ្វើខ្លួនជាគំរូល្អដល់កូន ព្រោះឪពុកម្តាយប្រៀបដូចជាគ្រូដំបូងរបស់កូន។ តែប្រសិនបើកូនៗ មានគំរូឪពុកម្តាយមិនត្រឹមត្រូវ មិនសមរម្យ ក៏អាចផ្តល់ផលប៉ះពាល់មិនល្អ ឬអាចឲ្យកូនមានព្រឹត្តិកម្មវៀចវេរខាងផ្លូវភេទ។
4- បរិស្ថាន ជាបច្ច័យសំខាន់ដែលមានកម្លាំងអូសទាញឲ្យក្មេងមានបញ្ហាវៀចវេរខាងផ្លូវភេទ ដូចជា ជាGay ឡេសបៀន ខ្ទើយ ក៏ព្រោះតែបរិស្ថានជុំវិញខ្លួនដែលក្មេងទៅរស់នៅជាមួយ ក្នុងរយៈយូរនោះអាចបណ្តាលឲ្យក្មេងមានការប្រែប្រួលព្រឹត្តិកម្មផ្លូវភេទរបស់គេបាន។
ដូច្នេះអ្នកជាអាណាព្យាបាលក្មេងគួរចិញ្ចឹម និង អបរំ កូនរបស់អ្នកឲ្យត្រូវវិធី ឬយ៉ាងហោចណាស់មិនគួរដាក់ចិត្តចង់បានកូនប្រុស ឬកូនស្រីខ្លាំងពេក កូនរបស់អ្នកទោះប្រុស ឬ ស្រី ក៏ជាកូនរបស់អ្នក ហើយអ្វី ដែលសំខាន់គឺពួកគេ នឹងត្រូវទទួលរងសម្ពាធពីខាងក្រៅនាថ្ងៃអនាគត បើពូកគេមានបញ្ហាដូចបានលើកឡើងខាងលើ។
សួមសួរលោកតាបន្តិច តើហេតុអ្វីបានជាលោកតាដាក់ឈ្មោះតំបន់បណ្ដាញនេះថា cam629 អញ្ចឹង? តើវាមានន័យយ៉ាងណាដែរពាក្យនេះ សូមជួយពន្យល់ខ្ញុំផង?
Comment by Haker — September 26, 2006 @ 11:34 am
សួស្តី Haker ចំពោះតំបន់បណ្តាញនេះដែលតាសំរេចយកឈ្មោះcam629 មកពីតាគិតថាវាងាយចាំ ហើយចំពោះតំបន់បណ្តាញដែលនិយាយពីបញ្ហាសុខភាពផ្លូវភេទវាសាកសម។ ចំពោះពាក្យ cam មានន័យថា cambodia ហើយ 629 មានន័យពិសេសបន្តិច តែអាចស្រួលចាំបាន 6=SEX 2=TO 9=Night។
តើ Hrker គិតបែបណាដែរ? តាមគំនិតរបស់អ្នកគិតបែបណាដែរ ?
Comment by cam629 — September 26, 2006 @ 1:40 pm
អូ! អញ្ចឹងទេ! តែបើត្រឹមតែ cam69.blog… វិញក៍ល្អម្យ៉ាងដែរ។
Comment by វណ្ណា — September 27, 2006 @ 10:57 am