ករណីរំលោភសេពសន្ថវៈនៅតែជាកង្វល់
ករណីរំលោភ សេពសន្ថវៈ ជាករណីមួយដែលនៅតែមានអត្រាកើនឡើង បើប្រៀបធៀបទៅនឹង ឆ្នាំមុនៗ។ ករណីនេះកើតឡើងដោយ សារតែជនរងគ្រោះ នៅផ្ទះម្នាក់ឯងព្រោះ សមាជិក នៅ ក្នុង គ្រួសារ ជាប់រវល់ការងារដោយចាកចេញឆ្ងាយពីផ្ទះ ឬ ក៏ជនរងគ្រោះបានទៅទីណាឆ្ងាយតែម្នាក់ឯង។
ដោយសារតែកត្ដាទាំងអស់នេះហើយ ទើបធ្វើឲ្យជនប្រព្រឹត្ដមានឱកាស ដើម្បីប្រព្រឹត្ដនូវអំពើដែលគួរឲ្យស្អប់ខ្ពើម បំផុត ហើយវាក៏ជា អំពើមួយ ដែលប្រជាពលរដ្ឋខ្មែរបានចាត់ទុកថា ជាអំពើអមនុស្សធម៌
ករណីរំលោភសេពសន្ថវៈនេះ ភាគច្រើនជនប្រព្រឹត្ដជាមនុស្សស្គាល់ គ្នា ជាអ្នករស់នៅក្បែរគ្នា ជាបង ប្អូន ជាឪពុកមា ឬ ជាឪពុកបង្កើត របស់ជនរងគ្រោះតែម្ដង។ ជាក់ស្ដែង យើង មានករណីមួយចំនួនមកធ្វើជាឧទាហរណ៍ដូចខាង ក្រោមៈ
ករណីរំលោភ សេពសន្ថវៈមួយ បានកើតមានឡើងនៅ ក្នុងឃុំអន្លង់វិល ស្រុកសង្កែ ខេត្ដបាត់ដំបង ដែលបង្កឡើងដោយជនប្រព្រឹត្ដមានអាយុ ១១ឆ្នាំ ទៅលើកុមារីដែលមាន អាយុ៧ឆ្នាំ។
តាមចម្លើយរបស់កុមារីរងគ្រោះបានឲ្យដឹងថា នៅមុនថ្ងៃកើតហេតុ ពេលថ្ងៃត្រង់បន្ទាប់ពីនាងត្រឡប់មកសាលារៀនវិញ នាងបានទៅលេងជាមួយមិត្ដភ័ក្ដិ នៅចុងស្ពានជិតផ្ទះនាង។ បន្ទាប់ពីលេងនៅទីនោះសប្បាយអស់ចិត្ដ នាងក៏ត្រឡប់មកផ្ទះ វិញ ពេលដើរបានឆ្ងាយពីស្ពាននោះបន្ដិច នាងក៏បានជួបជនប្រព្រឹត្ដ ហើយគេ (ជនប្រព្រឹត្ដ)បានបបួលនាងទៅរួមភេទនៅក្នុងចំការអ្នក ភូមិម្នាក់។
បន្ទាប់ពីនិយាយគ្នារួច នាងក៏យល់ព្រមទៅជាមួយដោយសារតែនាងនៅក្មេងខ្ចីគ្មានការពិចារណា បានវែងឆ្ងាយ ពេលទៅដល់ទីនោះ គេបានក្រាលកន្ទេលរួចរាល់ ក៏បាន ធ្វើ សកម្ម ភាពរំលោភសេពសន្ថវៈរហូតបានសម្រេច។
លុះដល់ស្អែកឡើងថ្ងៃត្រង់ នាងក៏បានទៅដេកនៅលើផ្ទះតែម្នាក់ឯង ក៏ស្រាប់តែគេបានឡើងមកលើ ផ្ទះនាង ហើយបានបបួលនាងរួមភេទទៀត ស្រាប់តែពេលនោះ នាងបានឮ សម្លេងម្ដាយ នាងបានស្រែក ហៅមាន់ឲ្យមកស៊ីចំណី ទើបនាងរត់ចុះ មកដីមុន មួយសន្ទុះក្រោយមក ទើបជនប្រព្រឹត្ដចុះពីលើផ្ទះមក តាមក្រោយ។
តាមការរៀបរាប់របស់ម្ដាយកុមារីរងគ្រោះបានឲ្យដឹងថា នៅថ្ងៃកើតហេតុបន្ទាប់ពីគាត់ត្រឡប់មកពីជីកចង្រិតវិញគាត់បានឃើញ កូនស្រីគាត់ចុះពីលើផ្ទះ ហើយបានមកឈរនៅជិតគាត់ ដែលកំពុងតែដកក្បាលចង្រិតបានប្រហែលកន្លះ ម៉ោងស្រាប់តែ បានឃើញជនប្រព្រឹត្ដចុះមកពីលើផ្ទះគាត់។
ខណៈពេលនោះគាត់ក៏បានសួរទៅជនប្រព្រឹត្ដថា “តើអ្ហែងមានធ្វើអី កូនអញឬអត់?” ពេលនោះជនប្រព្រឹត្ដបានឆ្លើយថា “ខ្ញុំមិនបានធ្វើអីកូនមីងឯងទេ”។ រួចហើយជនប្រព្រឹត្ដក៏បានដើរចេញទៅ ពេលដែលជនប្រព្រឹត្ដទៅបាត់ ទើប កូនស្រីគាត់ប្រាប់ អំពីការ រំលោភ សេពសន្ថវៈ នោះ ។ ក្រោយពីដឹងរឿងនេះ ភ្លាម គាត់បាននាំកូនស្រីគាត់ទៅប្ដឹងខាងកងរាជអាវុធហត្ថស្រុកសង្កែ ហើយកងរាជអាវុធហត្ថបានចុះធ្វើអន្ដរាគមន៍ ដោយចាប់ខ្លួនជនប្រព្រឹត្ដរូបនោះតែម្ដង។
លោក ម៉ុយ សាលិត ជាមេបញ្ជាការកងរាជអាវុធហត្ថស្រុកសង្កែបានឲ្យដឹងថា ចំពោះ ករណីនេះ ខាងលោកបានធ្វើការ ស៊ើបអង្កេត ព្រមទាំងបញ្ជូនសំណុំរឿង ទៅដល់ព្រះ រាជអាជ្ញារួចហើយ។ ចំពោះជនប្រព្រឹត្ដជាក្មេងប្រុស អាយុតិច ជាង១៣ឆ្នាំ ដូច្នេះក្រោយពីការសាកសួររួចគឺវាយប់ជ្រៅពេក ទើបសម្រេចឲ្យស្នាក់ នៅ កន្លែង មួយ យប់ ព្រោះខាងលោកមិនមានសិទ្ធិឃុំខ្លួនគេទេ។
កញ្ញា គ្រួច ចាន់ពៅ បុគ្គលិក ផ្នែកស្ដ្រីប្រចាំខេត្ដបាត់ដំបង បានមានប្រសាសន៍ឲ្យដឹងថា ករណី ខាងលើនេះពិតជាករណីចាប់រំលោភសេពសន្ថវៈពិតប្រាកដមែន។ ខាងកញ្ញាបានជួយផ្ដល់ការប្រឹក្សាយោបល់ជូនក្មេងស្រីរងគ្រោះទៅធ្វើវិញ្ញាបនបត្រ័ ពេទ្យ និងបញ្ជូនម្ដាយស្ដ្រីរងគ្រោះ ឲ្យទៅពឹងពាក់មេធាវីការពារក្ដី នៅអង្គការជំនួយផ្នែកច្បាប់នៅកម្ពុជា។ ចំពោះសំណុំរឿងនេះបានទៅដល់តុលាការហើយដោយសារតែជនប្រព្រឹត្ដមាន អាយុតិចជាង ១៣ឆ្នាំ ទើបរឿងនេះកំពុងតែសម្រួល ជា សំណង រដ្ឋប្បវេណីវិញ តែសំណុំរឿងកំពុង តាមដានបន្ដទៅទៀត។
ករណី រំលោភសេពសន្ថវៈមួយបានកើតមានឡើងនៅក្នុង ឃុំអូរដា ស្រុកកំរៀងខេត្ដបាត់ដំបង ដែលបង្កឡើងដោយឪពុកដែលមានអាយុ ៤២ឆ្នាំ ទៅលើកូនបង្កើតខ្លួនឯងដែលមានអាយុ១៦ឆ្នាំ។
កុមារីរងគ្រោះបានរៀបរាប់ឲ្យដឹងថា នៅថ្ងៃកើតហេតុពេល ដែលនាង កំពុងតែដេកនៅលើគ្រែស្រាប់ឪពុក នាង បាន ចូល ទៅសង្គ្រប់ពីលើនាងរួច គាត់បាននិយាយលួងលោមនាងថា កុំឲ្យរើអីមិនអីទេ។ បន្ទាប់មកឪពកុ ចិត្ដអប្រិយរបស់នាង បាន ចាប់ ផ្ដើមសំរាតខោអាវនាង រួចក៏និយាយ ប្រាប់ នាង ថា “កុំភ័យអីពុកពាក់ស្រោមរួចហើយ”។
ក្រោយ មក ទៀតគាត់ បាន ធ្វើ សកម្មភាព រំលោភ សេពសន្ថវៈ ទៅលើរូបនាងរហូតដល់បានសម្រេច ។ នៅថ្ងៃនោះ ដដែល នាងបានទៅប្ដឹងលោកមេឃុំឲ្យគាត់ជួយ លុះ ក្រោយមកទៀត ឪពុករបស់នាងត្រូវ បាន ប៉ូលីសចាប់ខ្លួន ព្រមទាំងបាន បញ្ជូន ទៅ កាន់ស្នងការនគរបាលខេត្ដបាត់ដំបង។
តាមចម្លើយម្ដាយកុមារីរងគ្រោះបានឲ្យដឹងថាគាត់ មិន ដឹងពីករណី រំលោភសេពសន្ថវៈនោះទេ ស្រាប់ តែ នៅថ្ងៃកើតហេតុនោះផងដែរ ថា មានការចោទប្រកាន់មកលើប្ដីគាត់ថា បានរំលោភកូនស្រីឯង ដោយចោទប្រកាន់ពីសំណាក់កូនស្រីបង្កើតឯងតែម្ដង។ ក្រោយពីការចោទប្រកាន់មិនបានយូរប៉ុន្មាន ប្ដីគាត់ក៏ ត្រូវបានប៉ូលីសចាប់ខ្លួនបញ្ជូនទៅកាន់ពន្ធនាគារខេត្ដ បាត់ដំបង ដើម្បី រង់ចាំការដោះស្រាយទៅតាមផ្លូវច្បាប់។ ចំណែកឯកូនស្រីគាត វិ់ញត្រូវបានលោក មេភូមិ និងប៉ូលីសបញ្ជូនទៅអង្គការ បណ្ដុះបណ្ដាលវិជ្ជាជីវៈកាត់ដេរផងដែរ។
យោងទៅតាមករណីរំលោភសេពសន្ថវៈ ដែលបានកើតឡើងខាងលើទាំងអស់នេះយើង សង្កេត ឃើញថាកាលដែលជនរង គ្រោះនៅឃ្លាតឆ្ងាយពីគ្រួសារនិងមនុស្ស ដែលទុកចិត្ដបំផុតវា គឺជាវេលាដ៏ល្អដែលជនប្រព្រឹត្ដឆ្លៀតឆ្មក់ ឱកាសដើម្បីបំពេញ តំរេក ផ្ទាល់ខ្លួន។ ពួកជនប្រព្រឹត្ដទាំងអស់នោះ មិនដែលខ្វល់ខ្វាយ ឬ ពិចារ ណាអំពីសេចក្ដីថ្លៃថ្នូរឬកិត្ដិយស ក្នុងនាមជាមនុស្សជាតិ ទេដោយសាតែភ្លើង តណ្ហាពុះកញ្ជ្រោលតែមួយប៉ប្រិចភ្នែក បាន ធ្វើឲ្យពួកគេ បាត់បង់ ភាពម្ចាស់ការ លើខ្លួនឯង។
ដូច្នេះហើយយើងសូមឲ្យខាងអាជ្ញាធរមានសមត្ថកិច្ចក៏ដូចជា រដ្ឋាភិបាល ជួយទប់ស្កាត់ និងការបញ្ឈប់ការបញ្ចាំង វីដេអូ ទស្សនាវដ្ដី កាសែត ឬប្រពន្ធ័ផ្សព្វផ្សាយផ្សេងៗទៀត ដែល មាន រូបភាព អាសអាភាស ពីព្រោះវាគឺ ជាកត្ដាមួយ ដែលអាចឲ្យករណីខាងលើនេះមានការកើនឡើង។
ដកស្រង់ចេញពីៈ
-ព្រឹត្ដិបត្រអ្នកជា ចេញផ្សាយ លេខ ២៨៥ ឆ្នាំទី១៣ សំរាប់ ខែមករា ឆ្នាំ២០០៧ ទំព័រ៦-៧ “ករណីរំលោភសេពសន្ថវៈនៅតែជាកង្វល់”
