តើលោកអ្នកស្គមស្គាំងទើបមានផ្ទុកមេរោគអេដស៍ រីឯអ្នកដែលធាត់មាំមួនគ្មានផ្ទុកមេរោគអេដស៍ទេ តើការយល់ឃើញដូច្នេះត្រឹមត្រូវឬទេ ?
ការយល់ឃើញដូច្នេះមិនត្រឹមត្រូវទេ យើងមិនអាចសន្មត់ថា នរណាម្នាក់មាន ឬគ្មានផ្ទុកមេរោគអេដស៍ដោយគ្មានការធ្វើតេស្តឈាមបានឡើយ ។ អ្នកខ្លះមានផ្ទុកមេរោគអេដស៍ហើយ ប៉ុន្តែមិនមានចេញជាសញ្ញាឱ្យដឹង ហើយអាចរស់នៅដោយសុខភាពធម្មតាបានរយៈពេលយូរ គឺចាប់ពី ២ ទៅ ១០ឆ្នាំ ។ នៅក្នុងអំឡុងពេលនេះប្រសិនបើគេមិនបានទៅពិនិត្យឈាមទេ គេមិនអាចដឹងបានឡើយ ។
