ម្ចុល ឬសារ៉ាងដែលបានប្រើនឹងមនុស្សម្នាក់រួចមកហើយ ប្រសិនបើលោកអ្នកមិនឃើញមានឈាមប្រឡាក់នៅនឹងម្ជុល ឬសារ៉ាងទេ តើមានគ្រោះថ្នាក់ដែរឬទេ បើលោកអ្នកយកម្ជុល ឬសារ៉ាងដដែលនោះទៅប្រើជាមួយមនុស្សម្នាក់ទៀតដោយគ្មានការសំអាត និងរំងាប់មេរោគជាមុនសិននោះ ?
ការប្រើប្រាស់របៀបនេះបណ្តាលឱ្យគ្រោះថ្នាក់ណាស់ លោកអ្នកមិនអាចមើលឃើញឈាម ដែលប្រឡាក់បន្តិចបន្តួចនោះឡើយ ។ ឈាមដែលនៅជាប់នឹងម្ជុល និងសារ៉ាងនោះអាចមានផ្ទុកមេរោគអេដស៍ ឬមេរោគដទៃទៀតដែលអាចចម្លងមកលោកអ្នកបាន ។ ដូច្នេះលោកអ្នកត្រូវតែប្រើតែម្ជុល និងសារ៉ាងណាដែលបានសំអាត និងរំងាប់មេរោគត្រឹមត្រូវជាមុន ។
ខាងក្រោមនេះគឺជាឧទាហរណ៍អំពីជំនាញនៃការរួមភេទប្រកបដោយ ដែលមានផលប៉ះពាល់តិច ៖
ការរួមភេទដែលមានសុវត្ថិភាព គឺការរួមភេទទាំងឡាយណា ដែលអាចការពារឈាម ទឹកកាម និងទឹករំអិលនៃប្រដាប់ភេទរបស់ដៃគូមិនឱ្យចូលទៅក្នុងប្រព័ន្ធឈាមនៃអ្នកទាំងពីរបាន ។ ការរួមភេទដោយដៃខ្លួនឯង ការគក់ច្របាច់ ដោយការឱបរិត និងការស្ទាបអង្អែលប្រដាប់ភេទមិនអាចធ្វើឱ្យឆ្លងអេដស៍បានទេ ។ ប្រសិនបើលោកអ្នកប្រើប្រាស់ស្រោមឱ្យបានត្រឹមត្រូវនៅពេលរួមភេទ គឺអាចសន្មត់បានថា ជាការរួមភេទដែលមានគ្រោះថ្នាក់តិច ។ ការរួមភេទដែលមានគ្រោះថ្នាក់ ប៉ុន្តែមិនមានច្រើន ដូចជាមាត់ និងទ្វារមាស និងមាត់លិង្គ ដែលមិនមានទឹកកាម ឬឈាមចូលទៅក្នុងមាត់ ឬប្រដាប់ភេទ ។ ការរួមភេទដែលមានគ្រោះថ្នាក់ គឺការរួមភេទដោយប្រើលិង្គ និងរន្ធគូថ និងលិង្គ និងទ្វារមាស ដោយមិនប្រើស្រោម ហើយនិងការរួមភេទណាដែលធ្វើឱ្យដៃគូចេញឈាម ឬទឹកកាម ឬទឹកកាមចូលទៅក្នុងមាត់ និងប្រឡាក់ប្រដាប់ភេទ ។
.png/499px-Blister_from_burns_(combined).png)
ការឆ្លងមេរោគអេដស៍ច្រើនតែកើតឡើងតាមរយៈការរួមភេទ ព្រោះប្រដាប់ភេទមានប្រឡាក់ទៅដោយទឹកកាម និងទឹករំអិល ។ ដោយហេតុថា ការរំលោភមិនសូវប្រើស្រោម និងពោរពេញទៅដោយការបង្ខំ ដែលអាចធ្វើឱ្យដាច់រហែកប្រដាប់ភេទ ហើយប្រសិនបើបុរសដែលរំលោភនោះមានផ្ទុកមេរោគអេដស៍ ស្ត្រីដែលត្រូវរំលោភ គឺត្រូវទទួលរងនូវការឆ្លងនូវមេរោគអេដស៍ ។
