Dessert of Life :: ពីនេះពីនោះ

ខ្ញុំឮគេនិយាយថា ស្រោមខ្លះមានគុណភាពល្អជាងស្រោមដទៃទៀត តើពិតឬ ?

ស្រោមភាគច្រើនមានគុណភាពដូចគ្នា ។ គម្បីពិនិត្យស្រោមដែលលោកអ្នកប្រើឱ្យបានច្បាស់លាស់ ដើម្បីឱ្យដឹងថា ស្រោមនោះទើបតែផលិត ហើយអាចទុកបានយូរ ភ្លឺថ្លា និងមានប្រេងរំអិលគ្រប់គ្រាន់ ។

ធ្វើជាអ្នកទី១ក្នុងការបញ្ចេញមតិយោបល់ និង សាកសួរសំនួរផ្សេងៗ (0)

KhmerTale Website

ផ្នែក: ពីនេះពីនោះ

I would like to take this opportunity to introduce my new website www.KhmerTale.com to you all. That website aims to promote Khmer Life, Food, Music, Culture, Buddhism, and Daily Life to the world.

Well, hope that you all will give us support so that it encourages my team work harder and harder. Moreover, you are welcome to join with us @ Khmertale Forum .

If you have any questions feel free to contact us by sending email to team[@]khmertale.com

See you all there,

Ktale Admin Team

ធ្វើជាអ្នកទី១ក្នុងការបញ្ចេញមតិយោបល់ និង សាកសួរសំនួរផ្សេងៗ (0)

សម័យបច្ចុប្បន្នយើងសង្កេតឃើញថាយុវវ័យខ្មែរជាច្រើនចាប់ផ្តើមងាកមកចាប់អារម្មណ៍ក្នុងការថែរក្សាភ្នែករបស់ខ្លួន តាមរយៈការពាក់វែនតាការពារមិនឲ្យភ្នែកកាន់តែម្ញូបខ្លាំង។ វែនតាមិនត្រឹមតែអាចជួយការពារភ្នែករបស់អ្នកពីជំងឺម្ញូប ធូលីដី កាំ រស្មីUV ឬពន្លឺចេញពីអេក្រង់កុំព្យូទ័រ ប៉ុណ្ណោះទេ តែវែនតាអាចបន្ថែមសម្រស់ផ្ទៃមុខអ្នកបានផងដែរ បើសិនជាអ្នកជ្រើសរើសស៊ុមវែនតាត្រូវហ្នឹងទម្រង់មុខអ្នក តែក្នុងករណីជ្រើសរើសខុសវិញវាអាចទាញឲ្យសម្រស់ទម្រង់មុខអ្នកធ្លាក់ចុះជាមិនខាន។ សៀវភៅកំសាន្ត ធីន សូមលើកបង្ហាញអាថ៌កំបាំងនៃការពាក់វែនតាមកជូនមិត្តអ្នកអាន ជាពិសេសយុវវ័យសម័យថ្មីទាំងឡាយណាដែល ត្រូវពាក់វែនតាម្ញូប ហើយជារឿយៗតែងមានបញ្ហាក្នុងការជ្រើសរើស ដង ឬស៊ុមវែនតា ថាមិនដឹងជារើសបែបណាឲ្យវាត្រូវសមនឹងទំរងមុខរបស់ខ្លួនហើយថែមទាំងទាន់សម័យទៀតផង។
    ១- មុខពងក្រពើ
   ចាត់ទុកថាជានារីមានសំណាង ក្នុងការជ្រើសស៊ុមវែនតាបានគ្រប់ប្រភេទ ដោយមិនធ្វើឲ្យសម្រស់របស់អ្នកបាក់ស្រុតចុះឡើយ មិនថាស៊ុម មូល បួនជ្រុង បួនជ្រុងបញ្ឆិត ឬ ស៊ុមរាងពងក្រពើ អ្នកអាចជ្រើសមកពាក់បានតាមចិត្ត។
    ២-មុខមូល
   អ្នកអាចជ្រើសពាក់ស៊ុមរាងបួនជ្រុង ឬបួនជ្រុងបញ្ឆិតក៏បាន កុំរើសយកស៊ុមណាដែលធំពេក ព្រោះវានឹងធ្វើឲ្យមុខអ្នកមើលទៅរឹតតែធំមូលជាមិនខាន។
   ៣-មុខមានទម្រង់ជ្រុង
   ការជ្រើសរើសស៊ុមវែនតាត្រូវគិតដល់ការលុបជ្រុងរបស់មុខអ្នក និងដើម្បីឲ្យមុខអ្នកមើលទៅស្អាតថែមមួយកម្រិតទៀត សូមជ្រើសយកស៊ុមដែលមានកោងច្រើនខាងលើ ឬខាងក្រោម ឬមូលក៏បាន។ ចៀសវាងស៊ុមដែលមានជ្រុងគ្រប់ប្រភេទ ព្រោះនៅពេលអ្នកពាក់វាហើយអ្នកដូចជាបន្ថែមឆ្អឹងលើផ្ទៃមុខឲ្យលេចឡើងច្បាស់ថែមទៀត។
    ៤-មុខវែង
   សម្រាប់ទម្រង់មុខវែង បណ្តោយនៃស៊ុមវែនតាមាននាទីសំខាន់ខ្លាំងណាស់ក្នុងការបញ្ឆោតភ្នែកឲ្យឃើញមុខយើងខ្លីជាងមុន អ្នកគួររើសស៊ុមវែនតាដែលមានផ្ទៃសមល្មមនឹងមុខរបស់អ្នក មិនតូចពេកមិនធំពេក។

សាកល្បងយកវិធីជ្រើសរើសស៊ុមវែនតាខាងលើទៅសាកល្បង នឹងសំរាប់ជាជំនួយក្នុងការជ្រើសរើសស៊ុមវែនតា លមើល វានឹងធ្វើឲ្យអ្នកមានទំនុកចិត្តច្រើនជាងមុនពេលពាក់វែនតា និងមិនកង្វល់ថាខ្លួនមើលទៅដូចមនុស្សចាស់ទៀត។

ធ្វើជាអ្នកទី១ក្នុងការបញ្ចេញមតិយោបល់ និង សាកសួរសំនួរផ្សេងៗ (0)

Friends are the flowers

ផ្នែក: ពីនេះពីនោះ

មានអ្នកបញ្ចេញមតិយោបល់ និង សាកសួរសំនួរផ្សេងៗចំនួន (2)

អ្នកវិទ្យាសាស្ត្ររកឃើញការព្យាបាលអេដស៍ឱ្យជាដាច់

ផ្នែក: ពីនេះពីនោះ

ការសិក្សាមួយដែលចុះផ្សាយកាលពីថ្ងៃព្រហស្បតិ៍ កន្លងមកនេះបាននិយាយថានៅក្នុងការរកឃើញដ៏សំខាន់មួយដែលអាចនាំទៅរកការព្យាបាលឱ្យជាសះស្បើយសម្រាប់ការឆ្លងវីរុស HIV ពួកអ្នកវិទ្យាសាស្ត្របានរកឃើញនូវវិធីមួយដើម្បីបំបាត់វីរុស HIV ចេញពីកោសិកាមានវីរុស។

យោងតាមការសិក្សាស្រាវជ្រាវដែលបានបោះពុម្ពផ្សាយនៅក្នុងទស្សនាវដ្ឋី Science បានឱ្យដឹងថាពួកអ្នកវិទ្យាសាស្ត្របានបង្កើតអង់ស៊ីមមួយដែលវាយប្រហារទៅលើ DNA របស់វីរុស .HIVនិងបំបាត់វីរុស HIV នេះចេញពីកោសិកាដែលមានឆ្លងវីរុស។
យ៉ាងណាក្តីក្រុមអ្នកស្រាវជ្រាវបានព្រមានថាអង់ស៊ីមនោះស្ថិតនៅឆ្ងាយនៅឡើយពីការយកមកប្រើប្រាស់ធ្វើជាវិធីព្យាបាលមួយប៉ុន្តែវាផ្តល់នូវក្តីសង្ឃឹមមួយសម្រាប់មនុស្សជាង៤០លាននាក់ដែលបានឆ្លងវីរុស HIV នៅទូទាំងពិភពលោក។

អាឡិនអង់ហ្គែលមែនមកពីវិទ្យាស្ថាន Dana-Farber Cancer Instituteនៃសកលវិទ្យាល័យ Harvard University បានសរសេរ
នៅក្នុងអត្ថបទអមជាមួយនឹងការសិក្សានេះថា ’អង់ស៊ីមដែលអាចដកយកចេញប្រកបដោយប្រសិទ្ធភាពនូវវីរុស HIV-១ពីកោសិកាដែលឆ្លងថ្ងៃណាមួយអាចជួយកម្ចាត់វីរុស .HIVពីអ្នកជំងឺអេដស៍។ការពន្យារពេលបច្ចុប្បន្នផ្តោតលើការទប់មិនឱ្យវីរុស HIVរាលដាល និងពន្យារជីវិតអ្នកជំងឺអេដស៍។

ប៉ុន្តែអ្វីដែលវីរុស .HIV សម្លាប់មនុស្សបានគឺសមត្ថភាពរបស់វីរុសនេះក្នុងការបញ្ចូលខ្លួនវាទៅកាន់កោសិការបស់ខ្លួនមនុស្សរួចមកបង្ខំឱ្យកោសិកាទាំងនោះផលិតចេញការឆ្លងថ្មី។ អង់ហ្គែលមែនបានពន្យល់ថា ’ដូច្នេះ វីរុស .HIVតោងជាប់ទៅនឹងកោសិកាខ្លួនមនុស្សជាហេតុធ្វើឱ្យយើងមិនអាចព្យាបាលឱ្យអ្នកជំងឺអេដស៍ជាសះស្បើយពីការឆ្លងវីរុស HIV-១ក្នុងខ្លួនពួកគេ"។

ប៉ុន្តែការមិនអាចព្យាបាលឱ្យជាសះស្បើយបាននោះអាចផ្លាស់ប្តូរប្រសិនជាអង់ស៊ីមដែលក្រុមអ្នកវិទ្យាសាស្ត្រជនជាតិអាល្លឺម៉ង់មួយក្រុមបានបង្កើតឡើងអាចត្រូវបានយកមកប្រើប្រាស់ដោយសុវត្ថិភាពលើខ្លួនមនុស្ស។អង់ស៊ីមនោះអាចបំបាត់វីរុស HIVចេញពីកោសិកាអ្នកជំងឺអេដស៍បានក្នុងរយៈពេលប្រហែលជា៣ខែ នៅក្នុងមន្ទីរពិសោធន៍។

អ្នកស្រាវជ្រាវអាល្លឺម៉ង់ទាំងនោះបានបង្កើតអង់ស៊ីមមួយហៅថា Tre ដែលអាចដកចេញនូវវីរុស HIVចេញពីកោសិកាអ្នកកើតអេដស៍ តាមរយៈការដឹងហើយបន្ទាប់មកភ្ជាប់ឡើងវិញនូវទម្រង ់DNA .របស់វីរុស HIV .។ សមត្ថភាពក្នុងការដឹងអំពីDNA.របស់វីរុស HIVនេះនៅថ្ងៃណាមួយអាចជំនះបាននូវឧបសគ្គដ៏ធំបំផុតមួយចំពោះការរកឃើញការព្យាបាលឱ្យជាដាច់មួយ។

អង់ហ្គែលមែន បានសរសេរថា ‘មានការប៉ុនប៉ងជាច្រើនត្រូវបានគេធ្វើឡើងដោយធ្វើឱ្យកោសិកាទាំងនេះមានសកម្មភាពឡើងជាមួយនឹងក្តីសង្ឃឹមថាយុទ្ធវិធីបែបនេះនឹងធ្វើឱ្យវីរុសអមជាមួយការស្គាល់ឱសថប្រឆាំងវីរុស ដែលនាំទៅរកការកម្ចាត់ចោលនូវវីរុស។ ការជឿនលឿនទៅមុខក្នុងការប្រើប្រាស់វិធីសាស្ត្រនេះនៅក្នុងខ្លួនអ្នកជំងឺអេដស៍មានសភាពយឺតយ៉ាវក្នុងការបង្កើតឱ្យចេញជារូបរាង"។

គាត់បានសរសេរទៀតថា ការធ្វើពិសោធន៍ថ្មីៗត្រូវតែធ្វើឡើងដើម្បីរកមើលថា តើអង់ស៊ីមឈ្មោះ Tre អាចត្រូវបានគេប្រើប្រាស់ដើម្បីស្គាល់អំពីកោសិកាដែលឆ្លងវីរុស HIV ។ គាត់បាននិយាយថា ‘បើទោះជាលទ្ធផលគួរជាទីពេញចិត្តនេះតំណាងឱ្យត្រឹមតែជំហានកូនង៉ាមួយឆ្ពោះទៅកាន់ការប្រើប្រាស់ចុងក្រោយនៅក្នុងការព្យាបាលអ្នកជំងឺអេដស៍ ក៏ដោយ ក៏ការរកឃើញអង់ស៊ីម Tre បង្ហាញ ថាការដកចេញរបស់ HIV-1របស់អង់ស៊ីម ពី ក្រូម៉ូសូមរបស់មនុស្សជាការពិតជាក់ស្តែងមួយនាេពលបច្ចុប្បន្ននេះ"។

ពួកអ្នកស្រាវជ្រាវដែលបានបង្កើតអង់ស៊ីមTreនេះមានសុទិដ្ឋិនិយមចំពោះសមត្ថភាពរបស់ពួកគេក្នុងការបង្កើតអង់ស៊ីមនានា បន្ថែមទៀតដែលនឹងបំបាត់នូវផ្នែកផ្សេងៗទៀតៃន DNA របស់វីរុស។ទោះយ៉ាងណាក៏ពួកគេបានធ្វើការព្រមានថាមានឧបសគ្គសំខាន់ៗជាច្រើនទៀតដែលត្រូវជំនះមុននឹងអង់ស៊ីមអាចត្រូវបានគេយកមកប្រើប្រាស់ដើម្បីព្យាបាលអ្នកជំងឺឱ្យជាដាច់។

មេដឹកនាំក្រុមស្រាវជ្រាវលោកអ៊ីនដ្រានីសាកានៃវិទ្យាស្ថាន Max Planck Institute for Molecular Cell Biology and Genetics នៅទីក្រុង Dresden.របងស់អាល្លឺម៉ង់បានសរសេរថា"ឧបសគ្គដែលសំខាន់បំផុត និងដែលពិបាកបំផុតនៅក្នុងចំណោមឧបសគ្គនានាគឺថាអង់ស៊ីម Tre នឹងត្រូវការវិធីដែលប្រកបដោយប្រសិទ្ធភាព និងសុវត្ថិភាពក្នុងការបញ្ជូន ហើយនឹងត្រូវតែអាចបំពេញការងារដោយគ្មានផលប៉ះពាល់ខ្លាំងក្លាពីការប្រើវា"។

សាកាបានធ្វើការសន្និដ្ឋានថា ‘ទោះយ៉ាងណាក្តីលទ្ធផលដែលយើងបង្ហាញនេះផ្តល់នូវភស្តុតាងដំណាក់កាលដំបូងមួយនៃមូលដ្ឋានសម្រាប់វិធីសាស្ត្រព្យាបាលប្រភេទនេះដែលយើងរំពឹងថានឹងអាចបង្កើតចេញនូវមូលដ្ឋានដ៏មានប្រយោជន៍មួយសម្រាប់ការបង្កើតឡើងនូវវិធីព្យាបាល HIV នាពេលអនាគត"។

(អត្ថបទដកស្រង់ពីកាសែតរស្មីកម្ពុជា)

ធ្វើជាអ្នកទី១ក្នុងការបញ្ចេញមតិយោបល់ និង សាកសួរសំនួរផ្សេងៗ (0)

ទឹកស៊ីអ៊ីវ ដែលផលិតនៅស្រុកយួនមានផ្ទុកសារធាតុកើតជម្ងឺមហារីក

ផ្នែក: ពីនេះពីនោះ

សារព័ត៌មាន VNS របស់យួនបានផ្សាយថា អ្នកលក់ដូរមួយចំនួននៅក្រុងព្រៃនគរ បានធ្វើពហិកា មិនទិញទឹកស៊ីអ៊ីវ ដែលផលិតដោយក្រុមហ៊ុនស្បៀងអាហារក្នុងស្រុកចំនួន១៧ បន្ទាប់ពីអធិការសុខភាព បានរកឃើញសារធាតុកាស៊ីណូហ្សែន (Carcinogen) ក្នុងបរិមាណយ៉ាងច្រើននៅក្នុងទឹកស៊ីអ៊ីវ។ ក៏ប៉ុន្តែពួកអ្នកជំនាញការ ខាងសុខភាពរបស់យួន បាននិយាយថា ការធ្វើប៉ុណ្ណឹងមិនទាន់គ្រប់គ្រាន់ឡើយ។

អគារធិការសុខាភិបាលទីក្រុងព្រៃនគរ បាននិយាយកាលពីថ្ងៃច័ន្ទថា ក្រុមហ៊ុនយួនចំនួន១៧ បានផលិតទឹកស៊ីអ៊ីវ ដែលមានផ្ទុកបរិមាណសារធាតុ 3-MCPD យ៉ាងច្រើន ដែលជាសារធាតុ បណ្តាលឱ្យមានជម្ងឺមហារីក។ យីហោទឹកស៊ីអ៊ីវចំនួន១០ ត្រូវបានសារព័ត៌មានមូលដ្ឋាន របស់យួនចុះផ្សាយកាលពីសបា្តហ៍កន្លងទៅ ហើយយីហោចំនួន៧ទៀត ត្រូវបានសារព័ត៌មានយួនចុះផ្សាយកាលពីដើមសបា្តហ៍នេះ។ កម្រិតបរិមាណ 3-MCPD ដ៏ច្រើនហួស ដែលគេរកឃើញ នៅក្នុងប៉ាន់ទឹកស៊ីអ៊ីវ បានធ្វើឱ្យអតិថិជនយួនមានការរន្ធត់យ៉ាងខ្លាំង។

សារធាតុ 3-MCPD គឺជាសារធាតុគីមីម្យ៉ាង ដែលគេហៅថា ក្លរ៉ូប្រូប៉ាណុល (Chloropropanols) ដែលកើតឡើងពីការញែកប្រូតេអ៊ីនចេញពីរុក្ខជាតិ ដូចជាសណ្តែកសៀង ដោយប្រើអាស៊ីដក្លរីឌ្រិច។ សារធាតុ 3-MCPD ត្រូវគេដឹងថា ជាសារធាតុដែលបង្កឱ្យមានជម្ងឺមហារីកដល់សត្វ ប៉ុន្តែពួកអ្នកវិទ្យាសាស្ត្រ និយាយថា វាក៏អាចបង្កជម្ងឺមហារីក ដល់មនុស្សដែរ បើសិនជាសារធាតុ 3-MCPD នោះមានច្រើនហួសកម្រិតនៅក្នុងចំណីអាហារ ជាពិសេសគឺនៅក្នុងទឹកស៊ីអ៊ីវ។ នៅឆ្នាំ២០០១ គណៈកម្មការអឺរ៉ុប បានអនុម័តនូវបទបញ្ញត្តិមួយ ដោយកម្រិតឱ្យមានបរិមាណសារធាតុ 3-MCPD 0,02 មីល្លីក្រាមប៉ុណ្ណោះ ក្នុង១គីឡូក្រាមទឹកស៊ីអ៊ីវគោក។

ប្រធានអធិការកិច្ច ង្វៀងឌឹកអាន បាននិយាយថា មន្ទីរសុខាភិបាល បានបញ្ជាឱ្យអ្នករំលោភច្បាប់ ឈប់លក់ទឹកស៊ីអ៊ីវទាំងនោះ ដែលអាចមានផ្ទុកសារធាតុ 3-MCPD ។ លោក អាន បាននិយាយថា គេបានតម្រូវ ឱ្យពួកអ្នករំលោភច្បាប់ទាំងនោះ ចូលរួមក្នុងកិច្ចប្រជុំ ដើម្បីស្តាប់ការណែនាំពីរបៀបញែកសារធាតុ 3-MCPD ដែលច្រើនហួសហេតុ ចេញពីផលិតផលទឹកស៊ីអ៊ីវ។

សារព័ត៌មាន VNS របស់យួនបានផ្សាយទៀតថា ថ្នាក់ដឹកនាំក្រុងព្រៃនគរ ក៏បានបញ្ជាឱ្យមន្ទីរសុខាភិបាល ធ្វើការត្រួតពិនិត្យយ៉ាងហ្មត់ចត់ក្នុងការដកហូតផលិតផលទឹកស៊ីអ៊ីវ ដែលមានជាតិពុល ហើយធ្វើការផាកពិន័យយ៉ាងធ្ងន់ធ្ងរដល់អ្នករំលោភ។ ថ្នាក់ដឹកនាំទីក្រុងព្រៃនគរ ក៏បានបញ្ជាឱ្យមន្ទីរសុខាភិបាល ធ្វើការជូនដំណឹងជាបន្ទាន់ដល់ប្រជាពលរដ្ឋ នូវឈ្មោះផលិតផល ដែលមានជាតិពុល។

លោក អាន បាននិយាយថា ផលិតផលទឹកស៊ីអ៊ីវរបស់ក្រុមហ៊ុន Truong Thanh, Dong Phuong, Nam Duong, Huong Nam Phuong, Loi Ky, Lam Thuan, Thai Dai Loi, Song Ma, Thai Chan Chanh, Nosafood, Hau Sanh, Mekong, Wiwon VN, Tam Ky, Vinh Phuoc, Bach Thao និង Khuong Phat សុទ្ធតែមានបរិមាណសារធាតុ 3-MCPD លើសពីកម្រិត ដែលអនុញ្ញាតនៅប្រទេសវៀតណាម គឺ១មីល្លីក្រាម ក្នុង១គីឡូក្រាម។ លោក អាន បានបន្តទៀតថា ផលិតផលទឹកស៊ីអ៊ីវ របស់ក្រុមហ៊ុនវៀតណាមទាំងនោះ មានផ្ទុកសារធាតុ 3-MCPD រវាងពី ២៣,៩ ដល់៤២០២ មីល្លីក្រាម ក្នុង១គីឡូក្រាម ដែលច្បាប់របស់វៀតណាម អនុញ្ញាតឱ្យមានតែត្រឹម១មីល្លីក្រាមប៉ុណ្ណោះ ក្នុង១គីឡូក្រាម ហើយសហគមន៍អឺរ៉ុបអនុញ្ញាតឱ្យមានតែត្រឹម០,០២មីល្លីក្រាមក្នុង១គីឡូ។

លោក Nguen Xuan Mai អនុប្រធាន វិទ្យាស្ថានអនាម័យសុខភាពសហគមន៍ របស់យួន បាននិយាយថា បរិមាណខ្ពស់នៃសារធាតុ 3-MCPD អាចធ្វើឱ្យហ្សែនប្រែប្រួល ហើយនាំឱ្យកើតជម្ងឺមហារីក។

សារព័ត៌មាន VNS របស់យួន បានផ្សាយទៀតថា ទីភ្នាក់ងាររបស់រដ្ឋាភិបាល នៅតែព្រងើយកន្តើយនឹងបញ្ហានេះ ហើយទឹកស៊ីអ៊ីវភាគច្រើន ដែលមានផ្ទុកសារធាតុ 3-MCPD នៅតែត្រូវបានគេលក់ នៅក្នុងទីផ្សាររបស់វៀតណាម។ រីឯសារព័ត៌មាន Thanh Vien Daily របស់យួនវិញ បានផ្សាយថា សាធារណជនយួន មានការខឹងសម្បារយ៉ាងខ្លាំង ទៅនឹងមន្ទីរសុខាភិបាល ដែលមិនបានជូនដំណឹងពីរឿងផលិតផល ដែលមានជាតិពុលឱ្យបានរហ័ស ដោយមន្ទីរសុខាភិបាលបានរកឃើញតាំងពីឆ្នាំ២០០១ មកម្ល៉េះ នូវកម្រិតសារធាតុ 3-MCPD ដែលហួសពីកម្រិតសុវត្ថិភាពពី២៣ ទៅ៥៦០០ដង ឯណោះ។

ទឹកស៊ីអ៊ីវ ដែលផលិតនៅក្នុងប្រទេសយួន ក៏មានលក់នៅក្នុងប្រទេសកម្ពុជាដែរ ប៉ុន្តែគេមិនដឹងថា អាជ្ញាធរខ្មែរបានធ្វើតេស្តរកមើលកម្រិត 3-MCPD ឬក៏អត់។ បន្ទាប់ពីមានដំណឹងស្តីពីទឹកស៊ីអ៊ីវយួនមានជាតិ 3-MCPD ដែលបណ្តាលឱ្យកើតមហារីកនោះ កាសែតរស្មីកម្ពុជាបានអំពាវនាវឱ្យអាជ្ញាធរ ហ៊ុន សែន ប្រុងប្រយ័ត្ន ពីព្រោះទឹកស៊ីអ៊ីវ ដែលរដ្ឋអំណាចយួនបញ្ជាឱ្យបំផ្លាញ ចោលនៅស្រុកយួននោះ អាចត្រូវគេនាំចូលមកកម្ពុជា។ កាសែតរស្មីកម្ពុជាក៏បានឱ្យដឹងដែរថា គណៈកម្មការអឺរ៉ុប បានរកឃើញមានកម្រិតជាតិ 3-MCPD ច្រើនហួសនៅក្នុងទឹកស៊ីអ៊ីវយួន ដែលនាំចូលទៅប្រទេសហ្វាំងឡង់៕